,, მოკეტეთ!” – ბონდო მძინარაშვილი

ჟურნალისტი ბონდო მძინარაშვილი:

,,რა მაინტერესებს:

გასული საუკუნის 30-იანი წლების გოლოდომორმა მილიონობით ადამიანის სიცოცხლე შეიწირა უკრაინაში, რუსეთში და ყაზახეთში (ყველაზე მეტი ადამიანი უკრაინაში დაიღუპა, მოსახლეობის რაოდენობის მიხედვით კი, პროცენტულად, ყველაზე დიდი მსხვერპლი ყაზახეთში იყო)!

ჰოდა, რა მაინტერესებს მეთქი:

იმ ხორბალს საბჭოთა ხელისუფლება მოსახლეობას ართმევდა, საზღვარგარეთ გაჰქონდა და სანაცვლოდ მრეწველობისთვის აუცილებელ მანქანა-დანადგარებს ყიდულობდა იქვე!

ჰოდა, რა მაინტერესებს მეთქი!

იმ ქვეყნებში საერთოდ, საერთოდ არაფერი იცოდნენ, როგორი მსხვერპლის შედეგი იყო ის ხორბალი?!

სულ, სულ არაფერი იცოდნენ?!

მაშინ არ მუშაობდა დაზვერვა?!

უკაცრავად, არაკორექტული შეკითხვისთვის!

ხომ არ მოგაცდინეთ?!

P. S. გერმანიის მოსახლეობის უდიდესმა უმრავლესობამ არაფერი იცოდა საკონცენტრაციო ბანაკების საშინელების შესახებ, “ებრაული საკითხის საბოლოოდ გადაწყვეტის” თაობაზე კი მხოლოდ განდომილთა ვიწრო წრე იყო ინფორმირებული. მესამე რაიხის მანიაკები ხომ დასაჯეს სიკვდილით, რატომ დააკისრეს ამ არაინფორმირებულ გერმანელებს მილიარდობით რეპარაციები?!

P. P. S. მოკეტეთ!”