“მხედრიონიც” იყო რუსეთის სპეცსამსახურების პროექტი – ირაკლი ტაბლიაშვილი

ჟურნალისტი ირაკლი ტაბლიშვილი სოციალურ ქსელში, აქვეყნებს ფოტოს და წერს: 

“6 იანვარი დგება; 29 წელია გასული მას შემდეგ, რაც გამოუცდელმა, სუსტმა… შეცდომიანმა, მაგრამ, მართებულად ამბობენ და მეც გავიმეორებ – კანონიერმა ხელისუფლებამ თბილისი დატოვა და მოხდა რუსეთის მიერ დაგეგმილი და მოწყობილი სახელმწიფო გადატრიალება… სწორედ რუსეთისა, მიუხედავად იმისა, რომ ის – რუსეთი, ღიად თითქოს არ ჩანდა რუსთაველზე მიმდინარე პროცესებში – აიარაღებდა ორივე მხარეს, რომ მერე ეთქვათ – ეს სამოქალაქო, ძმათამკვლელი ომი იყოო… არა! ეს არ იყო სამოქალაქო ომი – ეს იყო სახელმწიფო გადატრიალება და გადამტრიალებელთა უმრავლესობა, მათ შორის ისინიც, ვინც დღესაა ხელისუფლებაში თუ ხელისუფლებასთან და ოპოზიციაში თუ ოპოზიციასთან იმთავითვე იყო რუსეთის აგენტი…

და “მხედრიონიც” იყო რუსეთის სპეცსამსახურების პროექტი… და იმდროინდელ ხელისუფლებაშიც იყო ათობით, ასობით პირი, ვინც რუსეთიდან იმართებოდა.

ესაა სიმართლე!

და ამ სიმართლეს ემატება “წითელი ინტელიგენციის” თაობაზე თქმული (და, შესაძლოა, არსათქმელი) სიმართლეც.”