ფსიქოკონსულტანტი, ილია ნიკაჭაძე სოციალურ ქსელში პოსტს აქვეყნებს და ხაზს უსვამს, რომ კორონამდელი პერიოდს დაბრუნება სურს, როდესაც ადამიანებს ერთმანეთთან საუბარი პირბადის გარეშე შეეძლოთ.
“მინდა, რომ შემეძლოს – უნიღბოდ გესაუბრო, აი ასე წინ დაგიჯდე და გესაუბრო, არ მეშინოდეს, რომ ჯანმრთელობის ფასად დამიჯდება შენთან ჩახუტება, შენთან ერთად ხმამაღლა სიცილი, არა – “ზუმში”, “ჩატში” ა.შ. არამედ შენ გვერდით. იმდენი საინტერესო მოსაყოლი ამბავი დამიგროვდა, ამის გაზიარებაც მინდა, ოღონდ ისე, რომ ვხედავდე შენს სახეს, შენს თვალებს ცოცხლად ვხედავდე, რომ შენი არცერთი ემოცია გამომეპაროს.
მომეცი საშუალება, ჩემი შენთამი სიყვარული და პატივისცემა გავაცოცხლო, რეალურ სივცეში გადმოვიტანო.
ვაფასებ ყველა შენ გადაწყვეტილებას, შენს ეჭვს, შენს სიფრთხილეს, ვაფასებ ყველა შენ შიშს…
ეს უბრალოდ თხოვნა, უბრალოდ სურვილია, რომელიც შეგიძლია, გაითვალისწინო ან არ გაითვალისწინო. ჩემი შენდამი დამოკიდებულება უცლელი იქნება, რადგან ვიცი, რომ შენც ასევე გესმის ჩემი სიფრთხილე და სურვილი, დავაბრუნოთ ცოცხალი ურთიერთობები
#ავიცრათერთმანეთისთვის”, – წერს ილია ნიკაჭაძე.
კომენტარები