მიხეილ სააკაშვილის სასამართლო პროცესი 7 ნოემბრის საქმეზე სავარაუდოდ ბრალდებულის გარეშე ჩატარდება. მსჯავრდებული ექსპრეზიდენტი პროცესზე ჯანმრთელობის მდგომარეობის გამო არ მივა. საქმის განხილვა მტკიცებულებათა გამოკვლევის ეტაპზეა. ყოფილ პრეზიდენტს 7 ნოემბრის საქმეზე ბრალი სამსახურეობრივი უფლებამოსილების გადამეტებისთვის აქვს წარდგენილი. საქმეში ხელისუფლების კიდევ 4 ყოფილი მაღალჩინოსანი ფიგურირებს.
ბრალდებულ მიხეილ სააკაშვილის ადვოკატის, შოთა თუთბერიძის თქმით, მას არ აქვს ინფორმაცია მისი დაცვის ქვეშ მყოფის ჯანრმთელობის მდგომარეობის შესახებ, შესაბამისად, არ იცის მოახერხებს თუ არა იგი პროცესზე გამოცხადებას.
“მტკიცებულებათა გამოკვლევის ეტაპზე ვიმყოფებით, თუმცა შუამდგომლობების დაყენების საშუალება მოგვეცემა თუ არა, ეს არის დამოკიდებული იმაზე, შეძლებს თუ არა თავად მიხეილ სააკაშვილი პროცესზე გამოცხადებას ან როგორი დამოკიდებულება ექნება მას პროცესის გაგრძელებასთან დაკავშირებით, მისი დასწრების გარეშე. არ მაქვს ინფორმაცია მისი ჯანმრთელობის მდგომარეობის შესახებ და შესაბამისად, დანიშნულ პროცესზე ის მოახერხებს თუ არა გამოცხადებას სამწუხაროდ არ ვიცი,” – განაცხადა თუთბერიძემ.
კომენტარები