სიმსივნესთან ბრძოლა, ძალიან ხშირად იწვევს ორგანიზმის ჯანსაღი ორგანოების დაზიანებას. ინტენსიურმა კურსმა, შესაძლოა, რომელიმე ორგანოს სერიოზული დაზიანება გამოიწვიოს.
ამ პრობლემის დასაძლევად და აღმოსაფხვრელად, ჩიკაგოს უნივერსიტეტის მკვლევარებმა განაახლეს მუშაობა ციტოკინზე, პროტეინზე, რომელიც არეგულირებს იმუნური სისტემის რეაქციას მოსალოდნელ საფრთხეზე.
თუმცა, მუშაობის პროცესში, შეიქმნა პრობლემა. ციტოკინი, რომელიც მედიცინაში ცნობილია ინტერლეუკინი 12-ის სახელით, იწვევს სერიოზულ გვერდით მოვლენებს. მაგრამ, ჩიკაგოს მკვლევარებმა იპოვეს ხრიკი, რომლითაც ამ პრობლემის მოგვარება შეიძლება.
ინტერლეუკინ 12-ზე თავსახურის დაფარვით და მისი მოხსნით მხოლოდ სიმსივნეების ფერმენტთან შეხებისას, ინტერლეუკინი 12 ხელახლა აქტიურდება და მკვლელ T უჯრედებს უბიძგებს, შეუტიონ სიმსივნეს. ეს კი იმას ნიშნავს, რომ იხსნება ახალი გზა კიბოს უჯრედებთან საბრძოლველად ჯანსაღი ორგანოების დაზიანების გარეშე. შემდეგი ნაბიჯი კი იქნება ამ ცდების გამოყენება ადამიანებში.
კომენტარები