“მეშინია, დამარტყა… “- რას წერდა სიკვდილის წინ ყაზახი ქალი მეგობარს სავარაუდო მოძალადეზე

დიდუბეში მომხდარ ტრაგედიასთან დაკავშირებით, „კურიერმა მოიპოვა“ ჩანაწერი, საიდანაც ყაზახეთის მოქალაქე 26 წლის ქალის სიკვდილის საქმესთან დაკავშირებით დამატებითი დეტალები ხდება ცნობილი.

აუდიო ჩანაწერში მამაკაცი ქალს მისი მოტყუების გამო ემუქრება, რასაც ქალი კატეგორიულად უარყოფს. ამასთან მამაკაცი მის გავლენებზე საუბრობს და ამბობს, რომ ის 10 წელი ციხეში იჯდა.

მუქარაზე და ფიზიკურ ძალადობაზე საუბრობდა სიკვდილამდე მეგობართან მიწერილ  შეტყობინებაშიც  ასელ  აიტპაევა.

“მეშინია, დამარტყა… და ეს ყველაფერი არ არის…” – ეს არის ბოლო შეტყობინება, რომელიც ასელ აიტპაევამ მეგობარს მისწერა. ამ შეტყობინების შემდეგ კი 26 წლის ქალი კონტაქტზე აღარ გამოსულა. 

შინაგან საქმეთა სამინისტროს მიერ ჩატარებული გამოძიებით დადგინდა, რომ 2021 წლის 5  მაისს,  თბილისში,  ბ.თ. -მ ფსიქოლოგიური ზემოქმედებით და სიცოცხლის მოსპობის მუქარით ა.ა. გააუპატიურა. ბ.თ.-ს ქმედების შედეგად,  მძიმე ფსიქო-ტრავმულ მდგომარეობაში მყოფი ა.ა. მერვე სართულიდან გადახტა და სიცოცხლე თვითმკვლელობით დაასრულა.

ყაზახეთის მედიის ცნობით, 26 წლის ქალი საქართველოში, სამუშაოდ, აპრილში ჩამოვიდა