ჩვენი 11 გმირის ნეშტი დავუბრუნეთ ოჯახებს და მინდა ჩემი სამძიმარი ვუთხრა მათ, – ამის შესახებ პრემიერ-მინისტრმა ირაკლი ღარიბაშილმა განაცხადა.
„სანამ ჩვენ აღვადგენთ კონტროლს აფხაზეთსა და ცხინვალში, ჩვენ გვჭირდება ჩვენი პარტნიორების ჩართულობა. „წითელ ჯვარს“ აქვს ამ კუთხით ფასდაუდებელი როლი და მინდა მადლობა გადავუხადო მათ და ყველას, ვინც ჩართული იყო ამ პროცესში. ჩვენი 11 გმირის ნეშტი დავუბრუნეთ ოჯახებს და მინდა ჩემი სამძიმარი ვუთხრა მათ“,- აღნიშნა ირაკლი ღარიბაშვილმა.
ოკუპირებული აფხაზეთიდან 1990-იანი წლების შეიარაღებული მოქმედებების დროს უგზო-უკვლოდ დაკარგული 11 პირის იდენტიფიცირებული ნეშტია გადმოსვენებული, მათგან 8 სამხედრო და 3 მშვიდობიანი მოქალაქე.
სამოქალაქო პანაშვიდები გაიმართება სამების საკათედრო ტაძარში 7 დეკემბერს, 17:00 საათიდან და 8 დეკემბერს 11:00-დან 14:00 საათამდე.
იდენტიფიცირებულთაგან 3 ნეშტს, სამხედრო პატივით, 8 დეკემბერს, 15:00 საათზე, დიღმის ძმათა სასაფლაოზე დაკრძალავენ…
ირაკლი ღარიბაშვილმა ჟურნალისტების კითხვებს უპასუხა:
„უკრაინელი ბავშვები აქ იღებენ განათლებას უკრაინულ სკოლებში, რომელიც ჩვენ გავხსენით. რაც შეეხება სხვა ჰუმანიტარულ დახმარებას, ჩვენ კიდევ ერთხელ განვიხილავთ, დახმარების საშუალებებს გამოვნახავთ და რა თქმა უნდა ამ დახმარებას გავაგრძელებთ. რაც შეეხება სამხედრო დახმარებას, ჩვენ ამაზე ნათლად, ცხადად და მკაფიოდ ვთქვით, რომ ჩვენ ამას არ გავაკეთებთ. ჩვენ ამ ომში, კონფლიქტში, როგორც სახელმწიფო არასოდეს არ ჩავერთვებით. ეს არის ჩვენი მკაფიო პოზიცია. ჩვენ როგორ მმართველი გუნდი პასუხისმგებელი ვართ ჩვენი ხალხის წინაშე…
მე ვინც მიცნობს, იცის ჩემი დამოკიდებულება ფორმიანების მიმართ, ვიყავი მე შს მინისტრი, თავდაცვის მინისტრი და ორჯერ პრემიერმინისტრი ვარ და ჩემი დამოკიდებულება, პატივისცემა, ჩემი ზოგადად ყურადღება, ყველასთვის ცნობილია როგორც მოქმედი, როგორც ყოფილი, ასევე ვეტერანების და ასევე ჩვენი გმირი სამხედროების ოჯახების მიმართ…“
კომენტარები