მარიუპოლში ოკუპანტები ბომბავდნენ “აზოვსტალს”, ესროდნენ არტილერიიდან და ტანკებიდან ლევობერეჟნის რაიონის საცხოვრებელ სექტორს – ამის შესახებ ტელეგრამში მარიუპოლის მერის მრჩეველმა პეტრ ანდრიუშჩენკომ განაცხადა.
„ოკუპანტები ურტყამენ არა მხოლოდ ზემძლავრი ბომბებით “აზოვსტალს”, არამედ არტილერიიდან და ტანკებიდან ისინი აგრძელებენ ქაოტურ დარტყმებს მარცხენა სანაპიროს უბნის საცხოვრებელ სექტორზე, მეოტიდას ბულვარის ხაზის გასწვრივ.
სავალდებულო თეთრი ლენტების გათვალისწინებით, რომლითაც რუსები საკუთარ თავს იდენტიფიცირებენ, ოკუპანტები აგრძელებენ მშვიდობიანი მოსახლეობის გამოყენებას „სატყუარად“ უკრაინელი სნაიპერებისთვის“, – თქვა მან.
უკრაინის უმაღლესი რადას ადამიანის უფლებათა კომისარმა ლუდმილა დენისოვამ განაცხადა, რომ დაახლოებით ათასი ადგილობრივი მცხოვრები ემალებოდა რუსულ ბომბებს “აზოვსტალის” ქარხანაში.
“რუსეთი აცხადებს, რომ გეგმავს იერიშს მარიუპოლში “აზოვსტალის” ქარხნის ტერიტორიაზე, სადაც მინიმუმ 1000 მშვიდობიანი მოქალაქე იმალება. ქალაქის უკრაინელი დამცველების თქმით, ქარხნის შენობაში და სარდაფებში რჩებიან მოქალაქეები, რომლებსაც არ სურთ დატოვონ ტერიტორია, რადგან მათი სახლები დანგრეულია და არ სურთ ფილტრაციის ბანაკებში და რუსეთის ფედერაციაში გაგზავნა, მათ შორის ქალები, ბავშვები და მოხუცები“, – განაცხადა დენისოვამ.
კომენტარები