“მალე კარანტინისკენ წავლენ, და ამ თვის ბოლოს საგანგებოს შემოღებასაც აპირებენ”

რეჟისორი, გუჯა ბიძია, სოციალურ ქსელში, წერს:

“აჰა, ისე აგიხდათ ყველაფერი კარგი..

გაინაღდეს თავისი, და არჩევნებზე დახარჯული მაყუთის ამოღებაზე დაიწყეს ჩალიჩი.

დღეიდან პირბადეს ტარება ღია სივრცეშიც სავალდებულო გახდა.

მალე კარანტინისკენ რომ წავლენ, და ამ თვის ბოლოს საგანგებოს შემოღებასაც რომ აპირებენ, კი გითხარით უკვე.

გახარიას კოვიდინფიცირებულად გამოცხადებაც კორონაპანიკის ასაწევად რომ დასჭირდათ, ესეც..

ეგეც თქვენი არჩევნები, ახლა გინდა შეიტანეთ, და გინდა გამოიტანეთ, – აზრი?

ან სხვა დროს რა აზრი ჰქონდა, მაგრამ საგანგებო მდგომარეობის დროს საერთოდ ტუალეტის ქაღალდივითაა პარლამენტი.

ხო, კორონა ორ ტუზზე ფაიკასავით დააჯდა მსოფლიოს ქვეყნების “ვიგოდნიკ” ხელისუფლებებს.

რომ არ ყოფილიყო, უნდა გამოეგონებინათ.

თუმცა, სწორედ ამიტომ არ გამოიგონეს?

და რომ იცოდეს რა “უჟასებს” აბრალებენ, გული გაუსკდებოდა.

დარწმუნებული ვარ უმრავლესობამ ისე გადაიტანა, არც გაუგია.

და რა ვქნათ ახლა, არ ვისწავლოთ, არ ვიმუშაოთ, თეატრში არ ვიაროთ, კინოში, მეგობრებთან არ დავჯდეთ, ბავშვს არ მოვეფეროთ, ქალს არ ვაკოცოთ?

და საქამდე?

მოკლედ, რაღაც უნდა მოვიფიქროთ ხალხო, თორე ჩაგვაწყობენ კონსერვის “ბანკაში” კილკასავით.

ჩვენი თავი ჯანდაბას, ბავშვებს გაუძაღლებენ ცხოვრებას.

რაღაც უნდა მოვიფიქროთ, ხო..

თქვენ იფიქრეთ და მე გავალ, ქუჩაში, სუფთა ჰაერზე, კიდევ ერთ ფოტოს გადავიღებ, პირბადის გარეშე და დემონსტრაციულად.”