საქართველოს ფისომოყვარულთა კლუბში ყველა ფისომოყვარულისთვის და არამარტო, შემაძრწუნებელი ინფორმაცია გავრცელდა. ირმა თურმანიძე წერს, რომ მახინჯაურში 8მ.კვ ფართობის სარკმლიან შენობაში 70-80-მდე ფისოა თავმყოფრილი პატრონთან ერთად, რომლებსაც დღის შუქი თვალით არ უნახავს.
პოსტს სრულად გთავაზობთ:
„ისეთ ეიფორიაში ვარ და გულში ისეთი ტკივილი მაქვს. რაც ვნახე კიდევ სიზმარი მგონია, საშინელი სიზმარი…
მოკლედ, დიდი ხანია მსმენოდა,რომ მახინჯაურში ცხოვრობს სოხუმიდან ლტოლვილი მამაკაცი, რომელსაც ჰყავს უამრავი ფისო. წარმოვიდგინე ადამიანი ფისოებით სავსე ეზოში, შევიძინე 3 ტომარა კორმი და გავემართე შვილის ერთად. მეთქი, ოდნავ მაინც წავეხმარები-თქო.
აი იქ ვნახე, რაც ვნახე. შოკში ვარ კიდევ. ვხედავ, დგას პატარა შენობა, იქნება 8 კვადრატი, პატარა ფანჯრით და მესმის შიგნიდან საშინელი კანავილი ფისოების. ანუ, ამ 8 კვადრატში ცხოვრობს 70–80 ფისო (მამუკას თქმით ამდენია), ყველა ასაკის ფისოები, რომლებიც, თვეებია და წლებია არ გამოსულან გარეთ.
ზამთარი, ზაფხული, სიცხესა და სიცივეში იქვე იკვებებიან და იქვე მოისაქმებენ. და აქვე ცხოვრობს ეს კაციც. ამ პატარა ოთახში. ავადმყოფები და არ ვიცი, უმეტესწილად, მშივრებიც კიდე. მამუკას თქმით, შიმშილისაგან ფისოებმა 3 ფისო შეუჭამეს. და არ ესმის ამ ფისოების საცოდაობა, რომ ჰაერი ენატრებათ და სულ რომ არაფერი, გარეთ მაინც მოისაქმებენ. ბოროტებას უკეთებს კეთილი გულით და სიკეთე ჰგონია.. ვერ აცნობიერებს რას ჩადის.
წარმოიდგინეთ, ვინატრე, ღმერთო, ეს ფისოები ქუჩაში გააჩინე და ამ საცოდაობას გადაარჩინე მეთქი. ზაფხულშიც არ უშვებთ გარეთთქო, ვკითხე და არაო, ფანჯარაზე ბადეს ვაყენებო.. არ მინდა მამუკას შეურაცხყოფა მივაყენო (თვითონ ვერ აცნობიერებს კარგად რას აკეთებს), მაგრამ ეს დანაშაულია აშკარად.. თავად ნახეთ ვიდეო და განსაჯეთ.. იქნებ არსებობდეს რაიმე გზა ამ ფისოების გადარჩენის. მამუკას ნატვრაა, ეზოში რკინის ბადე და იქ გაშვება. არის თქვენი აზრით ეს გამოსავალი?!“, – წერს ირმა თურმანიძე.
https://www.facebook.com/100000918501060/videos/5079576848749548/
კომენტარები