ლუკა მაისურაძემ ევროპის ჩემპიონატზე ოქროს მედალი მოიპოვა

90 კგ წონით კატეგორიაში ლუკა მაისურაძემ ვაზარით დაამარცხა ჯერ ესტონელი კლენ კრისტოფერ კალიულაინდი, შემდეგ სლოვაკი პეტერ ჟილკა და ნახევარფინალში გამოცდილ და ტიტულოვან უნგრელ კრისტიან ტოტს შეხვდა.

ლუკა მაისურაძემ იპონით დაამარცხა მეტოქე და ფინალში გავიდა, სადაც მისი მეტოქე სერბი ბრასნჯოვიჩი იყო.

ლუკა მაისურაძემ ჯერ ვაზარი აუღო მეტოქეს, შემდეგ, შეხვედრის ბოლო წამებზე კი შებოჭა იგი, იპონით გაიმარჯვა და ოქროს მედლის მფლობელი გახდა

100 კგ წონით კატეგორიაში ქართველ ძიუდოისტები იმედი გაუცრუვდათ და ნავარაუდევი ორი მედლის ნაცვლად რეპეშაჟის ფინალში ჭიდაობა შერჩათ ხელს.

ძალიან გამოცდილ აზერბაიჯანელ ელმარ გასიმოვთან ვაზარით ჩამორჩენილი განუწყვეტლივ შეტევაში მყოფი ილია სულამანიძეს მეტოქემ იგივე ილეთით მეორე ვაზარი აუღო და გაიმარჯვა.

ვარლამ ლიპარტელიანმა პირველ შეხვედრაში გერმანელ კარლ-რიჩარდ ფრეიესთან ჯერ ვაზარით დაწინაურდა, შემდეგ, შეხვედრის მიწურისკენ კი შებოჭა მეტოქე და პულის ფინალში გავიდა, სადაც მეტოქემ, შვეიცარიელმა დანიელ ეიცმა შეხვედრის დასრულებამდე 15 წამით ადრე ვაზარი აუღო და დარჩენილი დრო პარტეში ჰყავდა შებოჭილი.

რეპეშაჟის ფინალში ვარლამ ლიპარტელიანი ესპანელ ნიკოლოზ შერაზადიშვილთან შიდოებით დამარცხდა.

+100 კგ წონაში გურამ თუშიშვილმა პირველი შეხვედრაგერ5მანელ ლოსენლი კონეს ოქროს დროში ვაზარით მოუგო, მეორეში ნიდერლანდელი მაიერი დაამარცხა იპონით და ნახევარფინალში კიდევ ერთ ნიდერლანდელ იურ სპეიკერს შეხვდა.

შეხვედრის პირველი წუთის დასასრულს გურამ თუშიშვილმა ორჯერ ზედიზედ შეუტია მეტოქეს, ადგილიდან ვერ დაძრა, მაგრამ არ მოეშვა, შეუჩერებლივ წავიდა ისევ შეტევაში. ფეხზე მყარად მყოფმა სპეიკერსმა თუშიშვილის უხერხული მდგომარეობით ისარგებლა და იპონით გაიმარჯვა.

ბრინჯაოს მედლისთვის გურამ თუშიშვილი უკრაინელ აიაკივ ხამოსთან იჭიდავებს.

+78 კგ წონით კატეგორიაში სოფიო სომხიშვილი შიდოებით დამარცხდა ნიდერლანდელ მარიტ კამპსთან