დაავადებათა კონტროლის ეროვნული ცენტრის დირექტორის მოადგილის, პაატა იმნაძის თქმით, დასავლეთის ქვეყნები ლოკდაუნს იმიტომ აცხადებენ, ცდილობენ რამენაირად შეამცირონ დატვირთვა ჰოსპიტალურ სექტორზე. ამის შესახებ იმნაძემ საზოგადოებრივი მაუწყებლის ეთერში ისაუბრა.
მისივე განცხადებით, მძიმე სიტუაციაა, თუმცა ამის მიუხედავად, შეიძლება ითქვას, რომ ჯერჯერობით ჩვენი ჰოსპიტალური სექტორი უმკლავდება არსებულ სირთულეებს. იმნაძემ სხვადასხვა პროფილის ექიმების, სტუდენტების გადამზადების შესახებაც ისაუბრა.
„თუმცა, ეს ყოველდღიურად სულ უფრო და უფრო ჭირს და პირველ რიგში, აქ რეალობა არის, რომ კედლები და საწოლები არაფერს არ წყვეტს, საჭიროა კიდევ პერსონალი.
ჩვენთან, ჩვენს სამსახურში, ეპიდსამსახურში, საზოგადოებრივი ჯანდაცვის სამსახურებში, ლაბორატორიებშიც უამრავი ახალგაზრდა გვყავს უკვე. შეიძლება, ითქვას, რომ იგივე ჩვენს ლაბორატორიაში, ლუგარში თითქმის ნახევარი არიან ამ ზაფხულს აკრეფილი ჩემი ახალგაზრდა კოლეგები, სხვადასხვა პროფესიის ექიმები, ბიოლოგები, რომლებიც ძალიან კარგად ჩაერთვნენ საქმეში და პრაქტიკულად, მათზე გადადის ძალიან დიდი ტვირთი.
ჩემს სამსახურიც დაავადებათა კონტროლის ცენტრში. მათ შორის, არა მარტო ეპიდსამსახურში, არამედ ლუგარის ლაბორატორიაშიც ჩვენ გვაქვს ინფიცირების შემთხვევები, უკვე გვაქვს დაახლოებით ათამდე შემთხვევა ინფიცირების, მაგრამ არც ერთი შემთხვევა არ გვაქვს სამსახურში გადაცემის შემთხვევა.
რა ვქნათ, ასეთი ცხოვრება დადგა, რომ აქაც კი ერთმანეთს ვერიდებით, სულ ნიღბებით დავდივართ და როდესაც საჭმელს ჭამენ ხოლმე, ცალ-ცალკე სხდებიან და ისე ჭამენ, რომ ერთმანეთი არ დაასნებოვნონ, აი, ყველა თუ არ გავითავისებთ, რომ ეს კორონა ასეთია, ვერ მოვიშორებთ ისე თავიდან.“- განაცხადა პაატა იმნაძემ.
კომენტარები