ლუგანსკის რეგიონში ვითარება დაიძაბა, რუსმა ოკუპანტებმა გაზსადენი დააზიანეს, – აღნიშნულის შესახებ ინფორმაციას უკრაინული მედია ავრცელებს. დაბომბვის შესახებ პირველი ინფორმაცია დილის ორ საათზე გაჩნდა ლუგანსკას რაიონის სოფლებში. გავრცელდა ცნობები სხვა სოფლებში დაბომბვის შესახებაც. ზოგიერთ რაიონში ბრძოლა ისმოდა დაახლოებით 11 დღის განმავლობაში. მშვიდობიანი მოსახლეობა სარდაფებშია მოთავსებული”, – წერს UNIAN-ი.
“პირველი ინფორმაცია სროლის დაწყების შესახებ ღამის 2 საათისთვის მოვიდა ლუგანსკის რეგიონის სოფლებიდან. მოქმედებები დილითაც გაგრძელდა. საუბარია მძიმე ტექნიკის გამოყენებაზეც. ადგილობრივი მოსახლეობა სარდაფებში აფარებს თავს” – ამის შესახებ ჰუმანიტარული მისიის ხელმძღვანელმა ევგენი კაპლინმა “უნიანის” კორესპონდენტს მოუყვა.
მედია იუწყება, რომ უკრაინის სამხედრო ძალები მოსახლეობას სახლებში დარჩენისკენ მოუწოდებენ.
ხელისუფლებამ ასევე გამოაქვეყნა სახლების სია, რომლებიც შეიძლება გამოყენებულ იქნას ბომბების თავშესაფრად ერთ-ერთ ქალაქში.
დღეს დაახლოებით 10:25 საათზე სოფელ ვრუბოვსკის დროებით ოკუპირებული ტერიტორიიდან დაბომბვა მოხდა, რის შედეგადაც ერთ-ერთი ჭურვი მოხვდა ვრუბოვსკის ლიცეუმს.
„დაბომბვის დროს ლიცეუმში 30 მოსწავლე და 14 თანამშრომელი იმყოფებოდა, 11:10 საათისთვის ლიცეუმის სარდაფში 8 სტუდენტი და 2 თანამშრომელია, დანარჩენი ბავშვები წაიყვანეს მშობლებმა“, – ნათქვამია ანგარიშში.
დაღუპულებისა და დაზარალებულების შესახებ ინფორმაცია ჯერჯერობით არ ვრცელდება.
უკრაინის პრეზიდენტის, ვოლოდიმირ ზელენსკის განცხადებით ლუგანსკში საბავშვო ბაღის დაბომბვა დიდი პროვოკაციაა. მისი თქმით, აუცილებელია, რომ დიპლომატები უკრაინაში დარჩნენ, რადგან მათი საქმიანობა დამატებითი შემაკავებელი ფაქტორია. ამის შესახებ ის Twitter-ზე წერს.
“ლუგანსკის ოლქში პრორუსული ძალების მიერ საბავშვო ბაღის დაბომბვა დიდი პროვოკაციაა. ძალიან მნიშვნელოვანია, რომ ეუთო და დიპლომატები უკრაინაში დარჩნენ, მათი სადამკვირვებლო საქმიანობა დამატებითი შემაკავებელი ფაქტორია. ცეცხლის შეწყვეტის ყველა დარღვევის აღრიცხვისთვის ეფექტური მექანიზმები გვჭირდება”, — წერს ის.
ცნობისათვის, 2019 წელს მინსკის ხელშეკრულების ფარგლებში აღნიშნული ზონიდან გაყვანილი იყო სამხედრო შენაერთები და მძიმე ტექნიკა. თუმცა, ამ მომენტისთვის ადგილზე საკონტროლო გამშვები პუნქტი მოქმედებს.
კომენტარები