ცნობილი ამერიკელი კინოვარსკვლავი ჰარვი ვაინშტაინი ლოს-ანჯელესის სასამართლომ გაუპატიურების საქმეზე დამნაშავედ ცნო. ამის შესახებ ინფორმაციას „გარდიანი“ ავრცელებს.
ერთთვიანი სასამართლო პროცესისა და ცხრადღიანი მსჯელობის შემდეგ გადაწყვეტილება ნაფიცმა მსაჯულებმა მიიღეს. საქმეში 44 მოწმე ფიგურირებდა.
ლოს-ანჯელესის ოლქის პროკურორმა ჯორჯ გასკონმა თქვა, რომ ის იმედგაცრუებული იყო, რადგან ზოგიერთ საკითხზე აზრი ორად გაიყო.
ვაინშტაინმა თქვა, რომ მისი ყველა სექსუალური ურთიერთობა კონსენსუსით იყო. ვაინშტაინი პირველად 2020 წლის თებერვალში გაასამართლეს.
გამოცემა წერს, 70 წლის ვაინშტაინს, რომელიც უკვე იხდის 23-წლიან სასჯელს, ახლა სავარაუდოდ კიდევ 18-დან 24 წლამდე თავისუფლების აღკვეთა ემუქრება. ვაინშტაინი სავარაუდოდ, სიცოცხლის ბოლომდე საპატიმროში დარჩება.
ვაინშტაინის დაცვის გუნდი ამტკიცებდა, რომ კინოპროდიუსერის წინააღმდეგ საქმე შეთითხნილია.
კომენტარები