ლევან თარხნიშვილი ნიკა მელიაზე: ეს საქმე მთლიანად პოლიტიკურია

ლევან თარხნიშვილის თქმით, ხელისუფლებამ ნიკა მელიას საქმე „გააცოცხლა“ იმისთვის, რომ არსებული კრიზისი გადაეფარა.

„ევროპული საქართველოს“ წევრის თქმით, „ქართული ოცნება“ მსგავსი პოლიტიკური საქმეების მეშვეობით პოლიტიკოსებზე ზეწოლას ცდილობს. ამის შესახებ მან „რუსთავი 2“-ის ეთერში განაცხადა.

„ეს საქმე მთლიანად პოლიტიკურია და სამწუხაროდ, ეს არ არის მხოლოდ ერთი ფაქტი და შესაბამისად ამ კონტექსტში უნდა განვიხილოთ.

ზოგადად, „ქართული ოცნება“, როგორც კი ქვეყანაში კრიზისი წარმოიქმნება ან რაიმე პრობლემა ექმნება, ცდილობს, ყურადღება გადაიტანოს ასეთი ტიპის საქმეების „გაცოცხლებით“ ან აღძვრით და, ამასთან, ცდილობს, ამ პოლიტიკური საქმეების საშუალებით ზეწოლა მოახდინოს ამა თუ იმ პოლიტიკოსზე“, – განაცხადა ლევან თარხნიშვილმა.