ლატვიის ელექტრონული მედიის ეროვნულმა საბჭომ დამოუკიდებელ რუსულ ტელეკომპანია Дождь-ს მაუწყებლობის ლიცენზია ჩამოართვეს. შესაბამის ინფორმაციას ლატვიის საზოგადოებრივი მაუწყებელი ელექტრონული მედიის ეროვნული საბჭოს თავმჯდომარეზე, ივარს აბოლინშზე დაყრდნობით ავრცელებს.
ლიცენზიის გაუქმების ფორმალურ მიზეზად ეროვნული უსაფრთხოებისა და საზოგადოებრივი წესრიგისთვის საფრთხის შექმნა სახელდება. Дождь-ის ლიცენზია 8 დეკემბრიდან შეუწყდება.
როგორც ლატვიის ელექტრონული მედიის ეროვნულ საბჭოში აღნიშნავენ, რომ ტელეკომპანიის ხელმძღვანელობამ ვერ გააცნობიერა ვერც ცალკეული დარღვევის სიმძიმე და ვერც დარღვევების ერთობლიობის სიმძიმე.
ტელეკომპანია თავდაპირველად ეთერში რუკის ჩვენებისთვის, რომელზეც ყირიმი რუსეთის ტერიტორიის ნაწილად ჩანდა, ასევე რუსეთის არმიის “ჩვენ არმიად” მოხსენიებისთვის 10 000 ევროთი დააჯარიმეს. შემდეგ კი გადაცემის Здесь и сейчас პირდაპირ ეთერში, გადაცემის წამყვანის, ალექსეი კარასტელიოვის მიერ რუსი სამხედროების მხარდამჭერი განცხადების გაჟღერებისთვის.
მომხდარის შემდეგ ტელეკომპანიის საინფორმაციო სამსახურის უფროსმა, ეკატერინა კოტრიკაძემ კარასტელიოვის განცხადებების გამო რედაქციის სახელით ბოდიში მოიხადა და მაყურებლებს მისი გათავისუფლებების შესახებ აცნობა.
„ტაბულა“
კომენტარები