ომის შესწავლის ინსტიტუტის (ISW) ანალიტიკოსები ფიქრობენ, რომ რუსეთის ხელისუფლება, ოფიციალური უარყოფის მიუხედავად, სავარაუდოდ ემზადება მობილიზაციის მეორე ტალღისთვის.
ყოველდღიურ ანგარისში ნათქვამია, რომ რუსეთის პრეზიდენტის ადმინისტრაცია პირდაპირ უარყოფს ჭორებს მობილიზაციის მეორე ტალღის შესახებ და, როგორც ჩანს, ცდილობს დაამშვიდოს რუსეთის საზოგადოებაში მზარდი უკმაყოფილება.
კრემლის პრესმდივანმა დიმიტრი პესკოვმა 6 დეკემბერს მოუწოდა რუსებს დაეყრდნონ რუსეთის თავდაცვის სამინისტროსა და პრეზიდენტის კომუნიკაციების არხებს, და უგულვებელყონ სოციალურ მედია პლატფორმებზე, მაგალითად Telegram-ზე გამოქვეყნებული „პროვოკაციული მესიჯები“, მობილიზაციის მეორე ტალღის შესახებ.
“პესკოვის განცხადება სავარაუდოდ მიზნად ისახავს როგორც რუსული ოპოზიციის, ისე ომის მომხრე ტელეგრამის არხების მზარდი გავლენის დისკრედიტაციას, რომლებიც თანმიმდევრულად აშუქებდნენ კრემლის განზრახვას, განაახლონ მობილიზაცია 2023 წელს”, – აღნიშნულია ანგარიშში.
ISW აღნიშანავს, რომ რუსეთის პრეზიდენტი ვლადიმერ პუტინიც იღებს დამატებით ზომებს, რათა მობილიზებულებმა და მათმა ოჯახებმა არ იჩივლონ მობილიზაციაზე. ანგარიშში ამის მაგალითად მოყვანილი პუტინის მიერ ხელმოწერილი კანონი, რომელიც კრძალავს მიტინგებს სამთავრობო შენობებში, უნივერსიტეტებში, სკოლებში, საავადმყოფოებში, პორტებში, მატარებლის სადგურებში, ეკლესიებსა და აეროპორტებში.
ანალიტიკოსები ამბობენ, რომ კრემლი, როგორც ჩანს შორდება ომის შესახებ შეზღუდულ გაშუქებას, რომელიც მან გამოიყენა რუსეთის ფართო საზოგადოების შეშფოთების შესამცირებლად ომის შესახებ, სავარაუდოდ, იმიტომ, რომ საზოგადოება მომავალი მობილიზაციის ტალღებისთვის მოამზადოს.
კომენტარები