კორონავირუსის გამოვლენის დადებითობის დღევანდელი მაჩვენებელია 5%, ბოლო 14 დღის – 4,8%, ბოლო შვიდი დღის – 3,8%, – აღნიშნულია მთავრობის სპეციალურ ვებგვერდ stopcov.ge-ზე.
საქართველოში ბოლო 24 საათში კორონავირუსის 858 ახალი შემთხვევა გამოვლინდა. 580 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 14 პაციენტი.
ბოლო 24 საათში ქვეყანაში ჩატარდა 17 271 ტესტი, მათ შორის ანტიგენის სწრაფი ტესტით – 11 459, „პისიარ“ ტესტით – 5 812.
საქართველოში კორონავირუსით ინფიცირების სულ 259 209 შემთხვევაა გამოვლენილი, მათგან 250 289 გამოჯანმრთელდა, 3 208 კი, გარდაიცვალა.
კარანტინის რეჟიმშია 480, სტაციონარში მეთვალყურეობას 2520 ადამიანი გადის, კლინიკურ სასტუმროში იმყოფება 283 პირი.
კომენტარები