გერმანიაში მოღვაწე ქართველმა ექიმმა, იაგო ფრანგიშვილმა გერმანელი მეცნიერის, ვირუსულოგ ფედერიკ შტრეკის კორონავირუსზე კვლევის შესახებ „ფორმულას“ ეთერში ისაუბრა.
მისივე თქმით, მხოლოდ რამდენიმე შემთხვევა იყო, რომ ვირუსის გადაცემა ზედაპირიდან მოხდა. დაინფიცირების მიზეზი ადამიანებს შორის ხანგრძლივი დროის მანძილზე ახლო კონტაქტი იყო.
„ფედერიკ შტრეკის კვლევით კორონავირუსზე წარმოდგენა შეიცვალა. მან საგნებიდან გადაცემის თეორია ფაქტობრივად ამოაგდო. თუ ჩვენ რამდენჯერმე ერთი და იგივე დაავადებული ავადმყოფის ამონახველიან ხელს კარის სახელურს მოვკიდებთ და ამ ხელს პირში ჩავიდებთ, რა თქმა უნდა ადამიან დაინფიცირდება. მაგრამ შტრეკის გამოკვლევამ დაამტკიცა, რომ ინფიცირებაც რომ მოხდეს, ეს ინფიცირება არ არის ტრაგიკული ისე, როგორც სხვა შემთხვევებშია, როდესაც პირდაპირი კონტაქტია. ჩვენ გვყავს ბევრი ადამიანი, რომლებსაც ყველაფრის ეშინიათ, მაგალითად შოპინგზე სიარულიც. ამ კვლევის მერე ასეთ ადამიანებს, შემიძლია 100-%-ით დარწმუნებით ვუთხრა, რომ თამამად იარონ, ჩაუარონ და მიესალმონ ადამიანებს“, – განაცხადა ქართველმა ექიმმა.
კომენტარები