ჟურნალისტი მერაბ მეტრეველი ამბობს, რომ „ქართული ოცნება“ პარტიის ცნობად მომხრეებსა და ექსპერტებს, ევროკავშირის მიერ გამოყოფილ სესხთან დაკავშირებით, გარკვეული ვერსიების გავრცელებას თხოვს. ამის შესახებ ჟურნალისტი სოციალურ ქსელში წერს.
„ეს იგი, “ქართული ოცნება” თავის მეტ-ნკლებად ცნობადი მომხრეების და ე. წ გარე ექსპერტების მეშვეობით ავრცელებს ვერსიას, რომ დასავლეთი სასამრთლოს რეფორმას იმიტომ კი არ გვთხოვს, რომ ჩვენთან დემოკრატია უნდა, არამედ იმიტომ, რომ ქართულ სასამართლოში საკუთარი ხალხი ჩასვან და მერე თავად აკონტროლონ. (ანუ “სასმართლოს წაღება უნდათ.”)
უნდათ ხალხს დააჯერონ, რომ დასავლეთი მათ იმიტომ კი არ უპირისპირდება, რომ თავად არიან ცუდები, არამედ იმიტომ რომ დასავლეთია ცუდი, სადაც თურმე ქართული სასამართლოს კონტროლზე ოცნებობენ და თურმე მურუსიძე-ჩინჩალაძის კლანი ყოფილა ჩვენი დამოუკიდებლობის გარანტი. თავად ჯერ ვერ ბედავენ ამაზე ღიად ლაპარაკს (თუმცა როგორ წინა პოსტში დავწერე, “ოცნების” ერთ-ერთმა დეპუტატმა ეთერს მიღმა ჯერ კიდევ ერთი თვის წინ მითხრა იგივე), მაგრამ საქმე ისე მიდის, რომ თუ ძალიან გაუჭირდათ, კობახიძისგან არც ოფიციალურ განცხადებას გამოვრიცხავ, უკვე ისეთ ფაზაში არიან,”- წერს მერაბ მეტრეველი.
მერაბ მეტრეველმა გუშინ გაავრცელა ინფორმაცია „ქართული ოცნების“ ერთ ახალგაზრდა დეპუტატთან საუბრის შესახებ, რომელიც დაახლოებით ერთი თვის წინ შედგა. „დაახლოებით ერთი თვის წინ მითხრა გადაცემის მერე “ქართული ოცნების” ერთმა ახალგაზრდა დეპუტატმა. შენ გგონია მაგათ რეფორმა აინტერესებთ? დასავლეთს უნდა საკუთარი ხალხი ყავდეს სასამართლოში. ამერიკის ელჩი პირდაპირ კონკრეტულ გვარებს გვისახელებდა, ვინ უნდა დაგვენიშნა უზენაეს სასამართლოში და რომ არ დავნიშნეთ, მაგაზე არიან გამწარებულიო. როგორც ჩანს ეს “ოცნების” ახალი სტრატეგიაა დასავლეთის წინააღმდეგ,”- წერდა ჟურნალისტი.
კომენტარები