ხორავას ქუჩაზე მომხდარი მკვლელობის საქმეზე ბრალდებულის, მიხეილ კალანდიას სასამართლო პროცესი დაცვის მხარის მოწმეების მოსმენით გაგრძელდება. კალანდიას უფლებადამცველის განცხადებით, ბრალდების მხარის მიერ წარმოდგენილი მტკიცებულებებით ვერ დასტურდება მიხეილ კალანდიას ბრალეულობა. ის დღევანდელ პროცესზე ასევე დააყენებს შუამდგომლობას საპარლამენტო კომისიის იმ წევრებზე, რომლებიც მიხეილ კალანდიას დასჯას ითხოვდნენ.
“წარმოგვეშვა ლეგიტიმური კითხვები დროებითი საპარლამენტო კომისიის მიმართ, რომლებიც განსაკუთრებით აქტიურობით გამოირჩეოდნენ, რომ კალანდიას მიმართ დაწყებულიყო სისხლის სამართლებრივი დევნა. ესენი არიან სერგი კაპანაძე, რატიანი და ქალბატონი ელენე ხოშტარია. ვაყენებთ შუამდგომლობას ამ სამი პარლამენტარის სასამართლოში მოწვევის თაობაზე, რამეთუ გაგვაჩნია ლეგიტიმური კითხვები მათ მიმართ. ბრალდებამ მთელი ამ 150 მოწმე, რომელიც წარმოადგინა და წერილობითი მტკიცებულებები, არცერთი მტკიცებულებებით პირდაპირ არ დასტურდება მიხეილ კალანდიას ბრალეული ქმედება,” – განაცხადა ადვოკატმა ზურაბ თოდუამ.
კომენტარები