მხატვარი ბესიკ დუღაშვილი სოციალურ ქსელში წერს:
„…დიდი ხუთშაბათი თენდება…
ამ ერთხელ დავწერ ჩემს მოსაზრებას ყველასთვის ამაღელვებელ თემაზე და მეტად აღარც შეგაწუხებთ და აღარც შევეხები!
უნდა წავიდეთ თუ არა ეკლესიაში?
ვინც მიცნობს იცის, დიდი ხანი ვცხოვრობდი მონასტერში, ბერების გარემოცვაში…
ახლა, ყველა მათგანისგან განაგონ და ნასწავლ საეკლესიო სიბრძნეს ვიხსენებ და…
…. ეკლესიები არ უნდა დაიხუროს!
აღდგომის საზეიმო წირვა და ლიტურგია უნდა შედგეს!
ერთაგან კი…
… ვინც საკუთარ თავში ღვთის სიძლიერეს გრძნობს უნდა წავიდეს, უშიშრად და უდრტვინველად (ისე, ასეთს თუ მანახებთ დიდი სიამოვნებით გავიცნობ!! ცოცხალი წმინდანი ყოფილა!)
ოღონდ “ასე მგონია” და პატივმოყვარეობიდან არ უნდა მოდიოდეს ეს შეგრძნება! ეს ჭეშმარიტად ღვთიური უნდა იყოს!
სხვაგვარად…
საკუთარ მაგალითზე მინიშნებით გეტყვით!
ბზობას წმინდა ბარბარეს ტაძარში გახლდით ჩემს ნათლულთან, მამა გიორგისთან წირვაზე!
ხატზე მთხვევა მინდოდა და… დავბრკოლდი, ვირუსი გამახსენდა…
ამ შემთხვევამდე თუ ვფიქრობდი არანაირი ვირუსი არ შემეყრებოდა… დავბრკოლდი…
და ხატს არ ვემთხვიე..
ახლა არ გამომიხტეს ვინმე და არ დამიწყოს, რწმენა ნაკლები ყოფილა შენშიო!
ეს ღმერთმა უკეთ უწყის!
უბრალოდ გაიხსენეთ, “არ გამოსცადო უფალი შენი”
(რა, ქრისტეს კლდიდან გადახტომა შეეშინდა?)
თუ განსაკუთრებულს არ განიცდი შენში, დარჩი სახლში, გვერდით დაუდექი შენს ქვეყანას, მთავრობას, ხალხს და ამით ეკლესიასაც დაუდგებით გვერდში, მერე კი, მერე კი მოძღვარს აღსარებაში ცოდვად მოახსენე შენი მცირედმორწმუნეობა ამ მიზეზის გამო და მეეჭვება არ მიგიტევოს ცოდვა.. “
კომენტარები