სოციალური ქსელის მომხმარებელი, თეკო ნ. წერს:
“ოცდათერთმეტში ჩემი თვალით რასაც ვუყურე…
საყოველთაო მილოცვების და პოზიტივის ფონზე აღარ დავპოსტე, მაგრამ ლინკებს ვნახულობ უკვე რამდენი მოხვდა დამწვრობის ცენტრში და დავწერ:
სამზარეულოში ვიყავი. ორას ოთხმოცდაჩვიდმეტჯერ რომ ააფეთქეს პეტარდა კი არა და ლიმონკა, დავინტერესდი ვინ გამოგვიცხადა ომი… ვხედავ 5 ბავშვისგან შემდგარი “ბანდა” და ყველაზე უფროსი ნუ მაქსიმუმ 10 წლის, ეგაც მაქსიმუმ, უფრო 8 წლის…
ახლა უკვე რასაც მე ვუყურე: გადააგდეს მორიგი ლიმონკა და ელოდებიან აფეთქებას. არ აფეთქდა და ყველაზე პატარა გოგო (5-6 წლის) გაემართა ყოჩაღად მიზეზის გასარკვევად. კიდევ კარგი, ვიდრე მივიდა იქამდე, ამოვარდა ცეცხლი და მოკურცხლა უკან და კარგადაც ბუთქა. ისროლეს კიდევ.. ისევ არ აფეთქდა. ამჯერად ყველა ერთად გაეშურა, ხელშიც აიღეს და კარგადაც ჩაიჭყიტეს კოლექტიურად რატომ არ აფეთქდა რომ გაეგოთ. არადა სულ ერთი წუთის წინ თვითონ ნახეს გვიან რომ აფეთქდა.
კი გადავდექი და ვუყვიროდი გადააგდეთ, რას შვებით მეთქი, მაგრამ ან ვერ, ან არ გაიგეს. ნუ მშვიდობიანად დამთავრდა და საერთოდ არ აფეთქდა კიდევ კარგი, ან მე რა უნდა მექნა ამ მეთერთმეტე სართულიდან ისე უცებ… მაგრამ ხალხნო, შვილები ნათხოვარი გყავთ?! ოღონდ სახლში არ შეგაწუხონ და გინდ თვალი გამოუთხრიათ და გინდ ხელი მოგლეჯიათ?! არ ღირს ისეთი იაფი ის პიროტექნიკა რომ გადაჟმოტილი ფულით ჩუმად იყიდონ ბავშვებმა! ის რომ აფეთქებულიყო დახოცავდა ყველას, თავები ჰქონდათ მიდებული და შიგ იყურებოდნენ, თვალებს მაინც დათხრიდა!
როგორ ავკრძალავთო, ბიზნესს ხომ არ ჩავუგდებთო, ასე ბრძანეს დეპუტატებმა… მოვაჭრეებსაც და დამწვრობის ცენტრსაც გულისხმობდნენ ეტყობა…”
კომენტარები