“შენ ისევ ჩხავიხარ, უკიდეგანოდ გამდიდრი და ისევ შენ დაგვჩხავი,” – ასე მიმართა პუბლიცისტმა, ნათია მეგრელიშვილმა გადაცემა “რეაქციაში” კინორეჟისორს, გოგა ხაინდრავას.
პუბლიცისტმა გოგა ხაინდრავა 20 ივნისს ჟურნალისტების მიმართ შეურაცხმყოფელი განცხადების გამო გააკრიტიკა და აქვე დასძინა, რომ კინორეჟისორის ამ გვარი საქციელი იმის ნიშანია, რომ მან იცის ახალი ხელისუფლება მოდის, სადაც ის ფულის შოვნის შანს ვერ ხედავს.
“ერთ კაცს აუცილებლად დეპეშა უნდა გავუგზავნო… შლიაპას! – კაცო, შენ ისევ ჩხავიხარ?! 30 წელიწადი შენ უნდა იჩხავლო ხაინდრავა?! ხუთი მთავრობა მოიყვანე, მერე გაყარე… ყველაგან თანამდებობაზე იყავი, უკიდეგანოდ გამდიდრდი და ისევ შენ დაგვჩხავი თავს?! დავბერდით გენაცვალე ამ შენს ჩხავილში. შენც დაბერდი, არ დაგავიწყდეს.
ახლა იცი რატო ჩხავიხარ? – იმიტომ, რომ იცი ახლა მოდის ხელისუფლება, სადაც შეიძლება შენ ფული ვერ იშოვო და სამსახური. იცი როგორი კაცი ხარ შენ? – მე რომ უცებ ხვალ გავმდიდრდე, აი, ძალიან, რომ გავმდიდრდე მოულოდნელად, ერთ ორ სამ კვირაში “შლიაპა” ჩემთან მოვა დიდი თაიგულით და აუცილებლად მეტყვის რაღაცა განსაკუთრებულ თბილ სიტყვებს, მაგრამ არ მიგიღებ! გამორიცხულია!
რაც შეეხება მედიას, რომ დასჩხავი, გაგახსენებ ერთ ძალიან საინტერესო ისტორიულ მოვლენას… არა მგონია დღეს საქართველოში რიჩარდ ნიქსონის ხარისხის პოლიტიკოსები გვყავდეს. ნამდვილად არ გვყავს. ნიქსონი არამც თუ ჩვენთვის, არამედ ამერიკელებისთვისაც გამორჩეული პრეზიდენტი იყო, მაგრამ ვინ დაამარცხა ის? მედიამ…” – განაცხადა ნათია მეგრელიშვილმა.
შეგახსენებთ, “ქართული ოცნების” მიერ დედაქალაქის მერობის კანდიდატად კახი კალაძის წარდგენის პრეზენტაიის შემდეგ გოგა ხაინდრავა ჟურნალისტებს სიტყვიერად დაუპირისპირდა.
“თქვენა ხართ სამარცხვინო ხალხი, თქვენა ხართ ამ ქვეყნის ლაქა, ჩამოყალიბებული ნაძირალები ხართ, ყარხართ, სიცრუით ყარხართ, უნამუსობით ყარხართ, უნამუსობით ყარხართ, თქვენ ძალადობთ ხალხზე, თქვენ ჟურნალისტები არ ხართ, თქვენ ხართ ნაგავი და ყარხართ, თქვენ ხართ სამარცხვინოები,” – უთხრა ჟურნალისტებს კინორეჟისორმა.
კომენტარები