მცხეთასთან მომხდარი ავარიის შედეგად დაშავებული 5 ადამიანიდან ერთ-ერთი კაცის ჯანმრთელობის მდგომარეობა კრიტიკულად მძიმეა. ის “ვივამედის” კლინიკაშია მოთავსებული. მედიკოსების ცნობით, ახალგაზრდა კაცს მრავლობითი დაზიანებები აღენიშნება, რაც სიცოცხლისთვის სახიფათოა.
დანარჩენი დაშავებულების ჯანმრთელობის მდგომარეობა სტაბილურია.
“ავტოსაგზაო შემთხვევის შემდეგ, 1 პაციენტია შემოყვანილი. მძიმეა პაციენტის მდგომარეობა, იმყოფება ხელოვნური სუნთქვის აპარატზე, თავის ტვინის დაზიანება, გულმკერდის დაზიანება და მუცლის ღრუს ორგანოების დაზიანება, სახის ძვლების მრავლობითი მოტეხილობა”, – ამბობს კლინიკა “ვივამედი”-ს კლინიკური დირექტორი ზურაბ ჩხაიძე
შეაგხსენებთ,რომ ავტოსაგზაო შემთხვევა, 28 მაისს ჯვრის მონასტერთან მოხდა. მიკროავტობუსი, რომელშიც რამდენიმე მგზავრი იმყოფებოდა, ჯებირს შეეჯახა, რის შემდეგაც ავტომობილს ცეცხლი გაუჩნდა და მთლიანად დაიწვა. ავტოსაგზაო შემთხვევას ერთი ადამიანის სიცოცხლე ემსხვერპლა.
კომენტარები