“რა უბედურება გვჭირს მე არ ვიცი, რა ეშველება ამდენ ადამიანს, რომელიც ამ პრეპარატებზე არის დამოკიდებული!”- ასე ეხმაურება სოციალური ქსელით პროფესორი, ნარკოლოგი ზურაბ სიხარულიძე ფსიქოტროპული მედიკამენტებით უკანონო ვაჭრობის ფაქტების აღმოჩენის შედეგად აფთიაქების დალუქვას. როგორც ნარკოლიგი აცხადებს, საჭიროა წამალზე დამოკიდებულ ადამიანებს დროებით ლეგალურად მიეწოდოს მედიკამენტები და შემუშავდეს პროგრამა, რითაც ისინი დაამარცხებენ ამ პრობლემას.
“დაინგრა საქართველო დღეს იმდენი ადამიანი დარჩა ფსიქოტროპულის გარეშე, აი კატასტროფააა, არ ვიცი რამდენი აფთიაქი დალუქეს, მაგრამ ფაქტია რომ დღეს ჩემი ტელფონი არ გაჩერებულა. რა უბედურება გვჭირს მე არ ვიცი რა ეშველება ამდენ ადამიანს, რომელიც ამ პრეპარატებზე არის დამოკიდებული! გამოსავალს ვერ ვხედავ! არ ვიცი გამოსავალი არის ერთი, რომ ეს ადამინიები გამოვიყვანოთ დღის სინათლეზე შევთავაზოთ დახამრება!
მივცეთ საშუალება მოვიდნენ სამედიცინო დაწესებულებაში, ლეგალურად მიიღონ ეს პრეპარატები დროებით და მერე ვიზრუნოთ როგორმე დახმარება, რომ შევძლოთ ჩაუნაცვლოთ რამით და გამოვაფხიზლოთ, სხვანაირად ვერ დავამარცხებთ ამ პრობლემას! სანამ იქნება მოთხოვნა აუცილებლად გაჩნდება მოწოდება – ჯუნგლის კანონია. უნდა გავწყვითოთ ეს ჯაჭვი რამენაირად! – წერს ზურაბ სიხარულიძე.
ცნობისათვის, ფსიქოტროპული მედიკამენტებით უკანონო ვაჭრობის ფაქტი საქართველოს მასშტაბით 27 აფთიაქი გუშინ დალუქეს.
კომენტარები