„ჯადოსნური ჯოხი არავის აქვს, მოიქნიოს და ხვალ დიდი ბედნიერება იყოს, რომ კოვიდით აღარავინ გარდაიცვალოს“ – ამირან გამყრელიძე

დაავადებათა კონტროლის ეროვნული ცენტრის ხელმძღვანელის ამირან გამყრელიძის თქმით, კოვიდინფიცირების მძიმე ციფრებს მხოლოდ და მხოლოდ აცრა შეაკავებს. 

გამყრელიძის თქმით, ამ ეტაპზე სამედიცინო დაწესებულებებში 1600 მძიმე ავადმყოფი იმყოფება, ხოლო 350-ზე მეტი პირი ხელოვნურ ვენტილაციაზეა. 

„უნდა გავითავისოთ და შევიგნოთ ყველამ, რომ ამ მძიმე ციფრებს შეაკავებს მხოლოდ და მხოლოდ აცრები. ახლა ჯადოსნური ჯოხი არავის აქვს, დღეს ვინმემ მოიქნიოს და ხვალ დიდი ბედნიერება იყოს, რომ ქვეყანაში კოვიდით აღარავინ გარდაიცვალოს. 

1600 მძიმე ავადმყოფი იმყოფება კლინიკაში, კლინიკების დატვირთვა მაქსიმუმზე გადის. 350-ზე მეტი ადამიანია სამწუხაროდ, ხელოვნურ ვენტილაციაზე. ეს ყველაფერი იმ რთულ მდგომარეობაზე მიუთითებს, რაც ქვეყანაში გვაქვს. მომავალ კვირას შეიძლება ოდნავ იყოს შემცირების ტენდენცია, მაგრამ ქვემოთ, ნახტომი რაც გვინდა არ იქნება“, – განაცხადა გამყრელიძემ „რუსთავი 2“ -ის ეთერში.