ბრიტანეთის პრემიერ მინისტრი ბორის ჯონსონი თანაპარტიელ პარლამენტარებს ვიდეოკონფერენციის მეშვეობით ესაუბრა. კონფერენციის დროს ჯონსონმა იმედი გამოთქვა, რომ ივლისისთვის ქვეყანა “თითქმის ნორმალურ ცხოვრებას” დაუბრუნდება. იგი აცხადებს, რომ ბრიტანელთა გააზრებულმა ქცევამ და შეგნებამ შედეგი გამოიღო და ქვეყანამ კორონავირუსით გამოწვეუყლი კრიზისი გადაიარა. იგი თვლის, რომ ასევე წარმატებით მოხდება ეკონომიკის რეაბილიტაციაც.
“ეპიდემიამ გამოაღვიძა კაცობრიობის საუკეთესო თვისებები და საზოგადოების საღი აზრი და მიზანმიმართული ქმედებები ხელს შეუწყობს ქვეყანას წინ წავიდეს, გამოვიდეს მკაცრი კონტროლის წესებიდან და დაუბრუნდეს ასე მონატრებულ ნორმალურ ცხოვრებას,” – აღნიშნა მან.
ჯონსონის განცხადებით, იგი ასევე 93 მილიონ ფუნტ სტერლინგს გამოყოფს კველვითი ცენტრის გასახსნელად, რომელიც სწრაფად და ეფექტურად გამოიკვლევს კორონავირუსის ვაქცინას.ჯონსონმა თავის 100 კოლეგას განუცხადა, რომ მთავრობა ნელნელა, მაგრამ თანმიმდევრულად მოხსნის ყველა შეზღუდვას, რომელიც COVID-19-ის გავრცელების შეჩერების მიზნით იყო შემოღებული. თუ ბრიტანელები კვლავაც დაიცავენ სოციალური დისტანცირების წესებს, ეს უფრო სწრაფად მოხდება. ზომების შერბილების პარალელურად, სამთავრობო სტრუქტურებში თანდათან გაუქმდება ყველა სპეციალური Covid-19-ის გავრცელების შეჩერების სამუშაო ჯგუფები.
ბოლოს ჯონსონმა კიდევ ერთხელ მოუწოდა საზოგადოებას, რომ დაიცვან სოციალური დისტანცირების წესები, რათა მთავრობამ შესძლოს წარმატებით დაასრულოს კორონავირუსსა და მის შედეგბთან ბრძოლა.
კომენტარები