„ივანიშვილი 21-ე საუკუნის სერგო ორჯონიკიძეა”, – ამის შესახებ „ლეიბორისტული პარტიის“ ლიდერმა, შალვა ნათელაშვილმა განაცხადა.
ნათელაშვილი ეხმაურება რუსეთის საგარეო საქმეთა სამინისტროს განცხადებას და ამბობს, რომ ივანიშვილმა კრემლთან მიცემული დავალებების დამაგვირგვინებელი ფაზის აღსრულება გადაწყვიტა.
„აშშ–ს ელჩის განცხადებას არ დასჭირდებოდა ამდენი მოთქმა გოდება, რომ გადაერჩინა ბიძინა ივანიშვილის რეჟიმი, არ შეეყარა პარლამენტში ოპოზიცია, არ გამოეყვანა კუთხეში მიმწყვდეული ოლიგარქი სამშვიდობოზე დღეს არ იქნებოდა ასეთი პრორუსული შტორმი. 21-ე საუკუნის სერგო ორჯონიკიძემ, ამჯერად ივანიშვილის სახელით ცნობილმა დაიწყო კრემლთან მიცემული დავალებების დამაგვირგვინებელი ფაზის აღსრულება, რათა საქართველო დაბრუნდეს რუსეთის მონობაში”, – განაცხადა შალვა ნათელაშვილმა.
ცნობისთვის, გუშინ რუსეთის საგარეო საქმეთა სამინისტრომ განაცხადა, რომ „რუსეთი იმ დონეზეა მზად საქართველოსთან ურთიერთობების აღსადგენად, რამდენადაც ამისთვის მზად არის ქართული მხარე“.
კომენტარები