იმუნიზაციის ტექნიკურ მრჩეველთა ეროვნული ჯგუფის ხელმძღვანელის, ივანე ჩხაიძის განცხადებით, კორონავირუსის საწინააღმდეგო ვაქცინით აცრილთა დღიური მაჩვენებელი ძალიან დაბალია, რაც კოვიდვითარებას კიდევ უფრო ამძიმებს. ის იმედოვნებს, რომ საკოორდინაციო საბჭოს გადაწყვეტილება ე.წ. მწვანე პასპორტებთან დაკავშირებით, შედეგს გამოიღებს და იმუნიზაციის მაჩვენებელი გაიზრდება.
„ბოლო დღეების განმავლობაში, ჯამში, 4-5 ათასი ვაქცინირებული ადამიანი გვყავდა. ამ ციფრის გაორმაგება და გასამმაგებაც იქნება ძალიან მნიშვნელოვანი წინ გადადგმული ნაბიჯი, რადგან კატასტროფაა, როდესაც კითხულობ, რომ დღეში მხოლოდ 1 300 ადამიანი მივიდა ვაქცინაციის კაბინეტში. ინფიცირების მაჩვენებელზე საბოლოო პასუხი, ზემოქმედება, იქნება 4-5 კვირის შემდეგ. მთელი ნოემბრის განმავლობაში, ჩვენ უნდა ვიყოთ ძალიან ფრთხილად – შევასრულოთ პირბადის ტარების, დისტანცირების მოთხოვნები, ვინაიდან, კორონავირუსის თავიდან ასაცილებლად, სხვა შესაძლებლობა, რეალურად, არ არსებობს“, – აცხადებს ივანე ჩხაიძე.
კომენტარები