უკრაინის პრეზიდენტის მიერ საქართველოში უკრაინის ელჩის გაწვევას ეხმაურება სოციალურ ქსელში ანალიტიკოსი ნიკოლოზ მჭედლიშვილი. მჭედლიშვილი ამბობს, რომ დილგოვის გათავისუფლება უსამართლობა იყო და ხელისუფლებას მისთვის საქართველოში შესაბამისი სამსახურის შეთავაზების იდეით მიმართავს.
„იგორ დოლგოვი, ახლა უკვე უკრაინის ყოფილი ელჩი, კარგი ადამიანი ჩანს, მაგრამ თავისმა პრეზიდენტმა ზელენსკიმ დატოვა უმუშევრად მოგონილი მიზეზით. ის არის უკრაინელი და როგორც ყველა უკრაინელს ვეხმარებით, დავეხმაროთ მასაც.
იქნებ საგარეო საქმეთა სამინისტრომ ან სხვა სახელმწიფო ორგანომ დაასაქმოს ის. ეს იქნება ძალზედ შთამბეჭდავი ჟესტი საქართველოს მხრიდან.
ცოდოა ეს კაცი, უმუშევრად დარჩა, ხანში შესულია და მის დაბრუნებასაც არ აქვს აზრი უკრაინაში ეხლა ამ სიტუაციაში, საომრადაც კი ვერ წავა…
ისინი ადეიშვილებს ასაქმებენ, ჩვენ დოლგოვს დავასაქმებთ,“- წერს ნიკოლოზ მჭედლიშვილი.
ცნობისათვის, უკრაინის პრეზიდენტმა, ვოლოდიმირ ზელენსკიმ საქართველოდან და მაროკოდან ელჩების გაწვევას ხელი მოაწერა.
„ხელი მოვაწერე, მაროკოდან ელჩის გამოწვევას. ასევე დაბრუნებულია ელჩი საქართველოდან. დიდი პატივისცემით: არ იქნება შეიარაღება, სანქციები, შეზღუდვები რუსული ბიზნესისთვის, გთხოვთ, ეძებეთ სხვა სამსახური,” – განაცხადა ზელენსკიმ.
კომენტარები