საზოგადოებრივი ჯანდაცვის ექსპერტი გიორგი ფხაკაძე სოციალურ ქსელში აქვეყნებს ნებრასკის უნივერსიტეტის სამედიცინო ცენტრის ონლაინ გამოცემის ინფორმაციას იმის შესახებ, რომ კოვიდგადატანილის იმუნიტეტზე გაცილებით მყარ და ხანგრძლივ დაცვას ვაქცინაცია უზრუნველყოფს. ამასთან, ინფორმაციაში აღნიშნულია, რომ კოიდგადატანილთა მინიმუმ 1/3-ს ანტისხეულები არ უყალიბდება, ხოლო კოვიდის გადატანის შემდეგ ვაქცინაცია, მინიმუმ აორმაგებს დაცვას.
“ისეთი “ბრძნული” აზრი მოვისმინე/წავიკითხე შეძენილ იმუნიტეტზე, არსებულ ვაქცინებზე და რაც მთავარია, იმდენი “ექსპერტია” საქართველოში მე მგონი პირველები ვართ მსოფლიოში.
უმრობა იქით იყოს, წაიკითხეთ ეს სტატია. საკმაოდ კარგი ანალიზია.
ვინც ვერ კითხულობთ ამ სტატიას და ვინც ვერც იგებთ, ამ სტატიაშირა წერია ჩემი მეგობრული რჩევაა, მიხედეთ თქვენს საქმეს,, თქვენს სპეციალობას და ნუ მიედმოედებით ყველაფერს!
კარდიოლოგი არ არის ოფთალმოლოგიშევთანხმდეთ ამაზე მაინც… ყველამ აკეთოს თავისი საქმე, მეპურემ – პური, ელექტრიკოსმა – ელექტროგაყვანილობა…..
არაპროფესიონალიზმი კლავს!
კოვიდგადატანილებს “უფრო კარგი იმუნიტეტი აქვთო”, ეს ხომ საერთოდ ყველა ჩარჩოდან ამოვარდნილია. თუ გადაიტანეთ კოვიდი და არ მოკვდით, თუ გადაიტანეთ და პოსტკოვიდური სინდრომი არ დაგემართათ (ანუ სუნის/გემოს დაკარგვა, სპერმის ხარისხის დაკარგვა, ფილტვების ფუნქციის დაკარგვა ….) ამ შემთხვევაში შესაძლოა, უფრო კარგი კარგი იმუნიტეტი გქონდეთ …. ანუ თუ გადარჩით, კი, კარგი იმუნიტეტი გექნებათ, მაგრამ, ვაი, ასეთ იმუნიტეტს. არაპროფესიონალიზმი კლავს. აუცრელი ექიმი, აუცრელი ექთანი, აუცრელი სანიტარი, სამედიცინო დაწესებულების აუცრელი თანამშრომლები არიან უფრო საშიშნი, ვიდრე ალქაიდას ტერორისტები! ამოვიდა ყელში ამდენი უცოდინარი ვითომ ექსპერტი, ვითომ სპეციალისტი და ვითომ სამშობლოს პატრიოტი!” – წერს ფხაკაძე.
ამავე თემას ფხაკაძე კიდევ ერთ პოსტით ეხმაურება. ის ინგლისში კოვიდსაწინააღმდეგო ვაქცინაციის შედეგებს აქვეყნებს და წერს, რომ დიდ ბრიტანეთში სრულად ვაქცინირებული 640 ადამიანია გარდაცვლილი 2021 წლის იანვრიდან დღემდე, მაშინ, როცა ამავე ქვეყანაში 38964 გარდაცვლილი არავაქცინირებულია.
როგორც ფხაკაძე განმარტავს, სიკვდილისგან ვაქცინაცია 98.8 პროცენტით იცავს, ასევე უზრუნველყოფს ე.წ გრეძლი კოვიდის პრევენციას, რაც მისი შეფასებით, ვაქცინაციის სასარგებლოდ საკმარისი არგუმენტია.
“კიდევ ერთი უტყუარი დადასტურება ბრიტანეთიდან რომ ვაქცინაცია იცავს სიცოცხლეს!
2021 წლის იანვრიდან ივლისამდე მხოლოდ 640 სრულაფ ვაქცინირებული გარდაიცვალა, 11617 – ერთი დოზით ვაქცინირებული და 38964 არავაქცინირებული გარდაიცვალა!
სრულად ვაქცინირებულებში სიკვდილიანობა არის მხოლოდ 1.2%!
სრული ვაქცინაცია არ არის უკვდავების ელიქსირი, მაგრამ ის გიცავთ სიკვდილისგან 98.8%-ით! ახლა არ მითხრათ, რომ ეს ცოტაა!
ასევე, ვაქცინა გიცავთ იმისგან, რომ არ დაგემართოთ გრძელი კოვიდი!
ეს არგუმენტი თუ არ არის საკმარისი, მაშინ არ ვიცი …
P.S.: ვინც ამბობს, რომ კოვიდის გადატანით შეძენილი იმუნიტეტი ჯობს ვაქცინაციის იმუნიტეტს, ეს ადამიანები /კოლეგები ვერ ხედავენ ან არ უნდათ, რომ დაინახონ სიმართლე! მედიცინა და მეცნიერება დგას მტკიცებულებებზე, წაიკითხეთ წიგნები, სამეცნიერო ჟურნალები, ცოტათი გაურიეთ ანალიზი, მეცნიერულ წრეშიც გაიარ-გამოიარეთ. და ეს თუ არ შეგიძლიათ, აკეთეთ თქვენი ვიწრო დარგიბრივი საქმე და მავნებლობებას თავი დაანებეთ. თქვენი გაუაზრებელი საქციელით თქვენ ანადგურებთ ისედაც მცირე ერს! ეს ისე, წაიკითხეთ, მარტივ ენაზეა:” – წერს ფხაკაძე.
კომენტარები