პრინციპულად მნიშვნელოვანია, რომ დღევანდელმა დღემ ჩაიაროს მშვიდად, ისეთ გარემოში, როგორც ეს სჭირდება ქართველ ამომრჩეველს. ქართველმა ამომრჩეველმა მშვიდ გარემოში უნდა გააკეთოს დღეს თავისი არჩევანი და ყველა პოლიტიკურ პარტიას მოვუწოდებ, რომ ამის საშუალება მისცეს ამომრჩეველს, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.
მისი თქმით, პროვოკაციებს ელოდებიან, თუმცა გაფრთხილებული ჰყავთ ყველა, რომ არ დაუპირისპირდნენ უხეშად არც ერთ პროვოკაციას.
„ჩვენ დღეს გვჭირდება მოთმინება და მშვიდი გარემო. არც აქციის, არც ქუჩაში გამოსვლის, არც ქვეყნის გადატრიალების, არაფრის რესურსი მათ არ აქვთ, ვერაფერს ვერ მიაღწევენ. დღეს „ქართული ოცნება“ მყარად მოიგებს არჩევნებს, ყველაფერი იქნება კარგად, მშვიდად“, – განაცხადა ირაკლი კობახიძემ.
კომენტარები