“ინდულგენციას” უფასოდ გასცემს ივანიშვილი თუ ყიდის?” – სალომე სამადაშვილი

ოპოზიციონერი სალომე სამადაშვილი სოციალურ ქსელში წერს:

„სოზარ სუბარს განუცხადებია, რომ ‘ევროპარლამენტარობა ინდულგენცია არ არის”, რომ ციხეში შეგვეშვა ანა ფოტიგაო. 
მის საყურადღებოდ, რადგან უცხო სიტყვების რახარუხი მოსწონს-განმარტებითი ლექსიკონი გვაცნობებს, რომ ‘ინდულგენცია არის “წყალობა”ცოდვების მიტევების სიგელი, რომელსაც კათოლიკური ეკლესია რომის პაპის სახელით იძლევა განსაკუთრებული დამსახურებისათვის, უფრო ხშირად კი ყიდის.’
საკითხავია, ბიძინა ივანიშვილს რაზე უნდა გაეცა ინდულგენცია პოლონეთის ყოფილ საგარეო საქმეთა მინისტრზე და ევროპარლამენტის წევრზე, რომელიც მრავალი წელია იბრძვის საქართველოს ნატოში და ევროკავშირში გაწევრიანებისთვის, დეოკუპაციის და ტერიტორიული მთლიანობისთვის. და უფასოდ გასცემს ამ ინდულგენციას ივანიშვილი თუ ყიდის?“