ყოფილი მინისტრი გოგა ხაჩიძე სოციალურ ქსელში ქართულ სამედიცინო სფეროში არსებულ პრობლემებზე, კონკრეტულად ქართველი ექიმების არაკეთილსინდისიერებაზე, ჩვეული იუმორით საუბრობს.
„სანამ საავადმყოფოში ან კლინიკაში მოხვდები, ექიმებზე ცუდს არ ამბობ, იმის შიშით, რომ იქ განაწყენებულები არ დაგხვდნენ და დედა არ გიტირონ;
საავადმყოფოში თუ მოხვდი, რა ცუდის თქმა, ბოლომდე მაგათ ხელში ხარ და რა თქმა უნდა, აუგს ვერ დაიცდენ, იქნებ ცოცხალი გადარჩე;
ცოცხალი თუ გადარჩი და გამოხვედი, ისე გიხარია ყველას აქებ და ადიდებ, სანიტრით დაწყებული – მთავარი ექიმით და ჰიპოკრატეთი დამთავრებული;
ხოლო, თუ ვერ გადარჩი, გასაგებია, ექიმზე კი არა თემურ ლენგზე ვეღარ იტყვი ცუდს.
არადა, იმდენი სალანძღავი მედ-პერსონალი გამოაჩინა კორონამ, მაგრამ რად გინდა, ვერაფერს იტყვი, მომენტს ვერ შეარჩევ.
გაუმარჯოს ქართველ მედიკოსებს,” – წერს გოგა ხაჩიძე.
კომენტარები