იაშვილის სახელობის ბავშვთა ცენტრალური საავადმყოფოს სამედიცინო დირექტორმა ივანე ჩხაიძემ განაცხადა, რომ მოქალაქეს ვაქცინის დაჯავშნა რამდენიმე მეთოდით შეუძლია, მათ შორის ტელეფონის საშუალებით. აგრეთვე განიხილება ჩამოყალიბება მობილური ბრიგადების, რომლებიც საცხოვრებელ ადგილზე აცრიან ადამიანებს, რომლებსაც ჯანმრთელობის მდგომარეობის გამო არ შეუძლიათ, თავად მივიდნენ სამედიცინო დაწესებულებაში.
„დღეისთვის ჩვენ გვაქვს სამი განსხვავებული ტიპის რეგისტრაციის შესაძლებლობა. ინტერნეტით, რითაც ძალიან დიდი ნაწილი სარგებლობს; სატელეფონო ცხელი ხაზით; რაიონებში, სადაც შეუძლებელია ინტერნეტის გამოყენება და შესაძლოა, სატელეფონო კავშირიც გართულებული იყოს, დასაშვებია ეგრეთ წოდებული ცოცხალი რიგის გამოყენება. ასევე განიხილება მობილური ბრიგადების ჩამოყალიბება და ადგილზე ვაქცინაცია იმ ადამიანების, რომლებსაც ჯანმრთელობის მდგომარეობის გამო არ შეუძლიათ, თავად მივიდნენ სამედიცინო დაწესებულებაში. მაგალითად, როგორც მოხდა ხანგრძლივი მოვლის დაწესებულებებში, სადაც მივიდნენ ბრიგადები და ჩაატარეს ვაქცინაცია“, – განაცხადა ივანე ჩხაიძემ.
კომენტარები