დღეს ცნობილი გახდა, რომ კორონავირუსმა მმართველი პარტიის წევრი, ვანის მუნიციპალიტეტის მერის მოადგილე, გონერი მეფარიშვილი იმსხვერპლა. ამასთან დაკავშირებით, „ქართული ოცნება“ სამძიმრის წერილს აქვეყნებს:
„ღრმა მწუხარებას გამოვთქვამთ „ქართული ოცნების” ვანის საარჩევნო შტაბის ხელმძღვანელის, ვანის მუნიციპალიტეტის მერის მოადგილის, გონერი მეფარიშვილის გარდაცვალების გამო.
ბატონი გონერი იყო ჩვენი თანამებრძოლი, „ქართული ოცნების“ ღირსეული წევრი, კარგი მეგობარი, ქვეყნის და ხალხის ერთგულებით გამორჩეული ადამიანი. ვუსამძიმრებთ მის ოჯახს და ახლობლებს“, – ვკითხულობთ წერილში.
კომენტარები