იაპონია დემოგრაფიული კატასტროფის წინაშეა შობადობის რეკორდული ვარდნით. ქვეყნის მოსახლეობა ზედიზედ მე-14 წელია იკლებს.
2022 წელს მოსახლეობის რაოდენობა თითქმის 800 000-ით, 122,42 მილიონამდე შემცირდა.
იაპონიის პრემიერ მინისტრმა ფუმიო კიშიდამ პირობა დადო, რომ სიტუაციას მოაგვარებს. თუმცა, მოსახლეობის კლების წინააღმდეგ მცდელობები ჯერჯერობით არაეფექტურია, მხოლოდ რამდენიმე პატარა ქალაქში დაფიქსირდა მცირე პროგრესი.
ბოლოდროინდელი მონაცემები აჩვენებს, რომ იაპონიაში სიკვდილიანობამ 2022 წელს რეკორდულ რიცხვს – 1,56 მილიონს მიაღწია, ხოლო შობადობის რიცხვი მხოლოდ 771,000-მდე შემცირდა. ეს პირველი შემთხვევაა, როდესაც ახალშობილთა რიცხვი 800,000-ს ჩამოსცდა.
აღსანიშნავია, რომ უცხოეთში მცხოვრებ რეზიდენტებში 10%-ზე მაღალი მატებაა. უცხოეთში უკვე 2,99 მილიონამდე იაპონელი ცხოვრობს, რაც ყველა დროის რეკორდია.
იაპონიის დაბერებული მოსახლეობა გავლენას ახდენს ქვეყნის ეკონომიკაზე და საზოგადოების ცხოვრების სხვადასხვა ასპექტზე.
ზოგიერთ რეგიონში სკოლები იხურება, 1.2 მილიონზე მეტ მცირე ბიზნესს 70 წლის ასაკის მფლობელი ჰყავს, რომლებიც მემკვიდრეების გარეშე არიან.
ქვეყნის მთავრობის მიერ აქამდე გატარებულმა ღონისძიებებმა, რაც ბავშვების მოვლასა და განათლებაზე სუბსიდიების გაცემას ითვალისწინებდა, შობადობის მაჩვენებელზე.მხოლოდ მცირე გავლენა მოახდინა.
აღსანიშნავია, რომ მარტო იაპონია არ განიცდის შობადობის კლებას, რადგან OECD-ს (ეკონომიკური თანამშრომლობისა და განვითარების ორგანიზაცია) წევრი მდიდარი ქვეყნების შობადობის საშუალო მაჩვენებელი 1.66-ია, რაც გაცილებით დაბალია, მოსახლეობის რაოდენობის შესანარჩუნებლად საჭირო 2.1-თან შედარებით (ჩანაცვლების მაჩვენებელი).
იაპონიას ყველაზე დაბალი – 1.26-იანი ჩანაცვლების მაჩვენებელი 2005 წელს ჰქონდა. ქვეყანამ 2021 წელს მისი 1.3-მდე აწევა მოახერხა.
კომენტარები