ჩინეთში, ჰუბეის პროვინციაში, მაღალკლასელი მოსწავლეებისთვის სასწავლო პროცესი აღდგა, – ამის შესახებ Bangkok post-ი წერს.
პროვინციის სკოლებში შესვლამდე მოსწავლეებს თერმოსკრინინგი ჩაუტარეს. მათთვის სავალდებულოა ნიღბების ტარება და სოციალური დისტანციის დაცვა.
ადგილობრივი ხელისუფლება სასწავლო პროცესის განახლებას გამოსაშვები გამოცდების მოახლოებით ხსნის.
BBC-ს ცნობით, საკლასო ოთახებს 121 სკოლის 57 000-მდე მაღალკლასელი დაუბრუნდა.
ახალი კორონავირუსი მსოფლიოში სწორედ ჰუბეის პროვინციიდაან, უხანიდან გავრცელდა.
COVID19-ის ეპიდემიის დაწყების შემდეგ მსოფლიოში კორონავირუსი 3 663 824 ადამიანს დაუდასტურდა.
მსოფლიო მასშტაბით ახალი კორონავირუსით დაღუპულების რაოდენობა 257 000-ს გადაცდა. დღემდე ვირუსს 257 277 ადამიანი ემსხვერპლა.
კომენტარები