გორის მეათე ბაგა ბაღის დირექტორს ძალადობაში ადანაშაულებენ. გავრცელებული ინფორმაციით, ლია ჭონიშვილი ფიზიკურად 13 წლის მოზარდს საკუთარ სახლთან გაუსწორდა. მშობლების მტკიცებით, მოზარდს დაზიანებები თავში და მხრის არეში აქვს მიყენებული.
13 წლის მოზარდის დედის ინფორმაციით, ბავშვები ეზოში თანამშობდნენ, როდესაც ჭონიშვილი ეზოში ჩავიდა და მის შვილს ფიზიკურად გაუსწორდა. მშობლებს საგამოძიებო უწყებისთვის არ მიუმართავთ. მათი თქმით, ბავშვი სტრესულ მდგომარეობაშია და გარეთ გასვლის სასტიკი წინააღმდეგია.
მეათე საბავშვო ბაღის დირექტორი ყველა ბრალდებას უარყოფს და ამბობს, რომ პატივისა და ღირსების შელახვისთვის მოზარდის მშობლების წინაარდეგ სასამართლოში ჩივილს აპირებს. მე ვადანაშაულე ცილისწამებისთვის მაგ ქალბატონს. ეგ ქალბატონი არის გაწვრთნილი მაგ საქმეში. გონებადაკარგულ ბავშვს აბულინგებდნენ, მაპატიეთ და “ტრუსიკს” ხდიდნენ, მასხარად იგდებდნენ და სახეში ურტყამდნენ. 80 კილოგრამიანმა ბიჭმა გადმოაგდო ბავშვი, ჩემი შვილიშვილი, ბავშვმა 5 წუთი გონება დაკარგა. არ მიძალადია, ამის მოწმეები არსებობენ, – ამბობს ლია ჭონიშვილი.
კომენტარები