“გლოვის დღეები ჰქონდა საქართველოს, ამიტომ არაფერი დავწერე, არადა ბევრი რამ მოხდა.ძალიან მოკლედ ვიტყვი;
უახლესიდან დავიწყებ.
სავარაუდოდ ჩემი ფეისბუქი მალე წაიშლება, ამიტომ ინფორმაციებს აქ მითითებული გვერდიდან დავდებ ხოლმე. https://www.facebook.com/share/1DzyEYGLYh/ (გთხოვთ, გამოიწერეთ.)
სასამართლო პროცესები იმართება ყოველ დღე, მთელი დღის განმავლობაში. სავარაუდოდ 10 აპრილამდე, გაბაშვილს და რიკაძეს, ასევე ჩიქოვანს ერთ-ერთ ბრალში, გამოუტანენ განაჩენს.
გუშინ დაიკითხა დიდი დიღმის ჩხუბის მოწმეების ნაწილი. ჩიქოვანის დედას ჩემთან უთხოვია შეხვედრა და ხომ წარმოგიდგენიათ, მათ რას უზამდა, ჰოდა ჩვენებების აბურდვა სცადეს ამ ცხვირმოუწმენდავმა მკვლელებმა—რაღაცები ,,არ იციან”, რაღაცები ,,არ ახსოვთ”….რა თქმა უნდა, არაერთხელ აიხლართნენ ტყუილში…. ბევრია და ყველას ვერ ჩამოვთვლი.
აი, ის ნაძირალა ხომ გახსოვთ, დემეტრე კასრაძე, გიგაზე რომ დაწერა მეგონა მოკვდაო. ჰოდა მაგ მესიჯი დაწერა თუ არა, არ ახსოვს! მერე რა, რომ სქრინი არსებობს, მას არ ახსოვს და… უფრო მეტიც, ერთ-ერთი ჩხუბის ვიდეო გადაღებულია უშუალოდ რიკაძის ტელეფონით. ამ ჩხუბში ექსპერტიზამ ამოიცნო ჩიქოვანი და ამ ჩიქოვანის დედა ისეთი სახედაკარგულია, ათქმევინა, ვიღაც მასკიანები ჩხუბობდნენ, დემეტრემ გააშველაო. ამ დროს, რიკაძის ტელეფონით რომ არის გადაღებული და მისი თქმით, რიკაძე იქ არ იყო, ეს ვეღარ გათვალეს რეგვენებმა!..
.კიდევ უფრო მეტი, ეს დემეტრე კასრაძე ისეთი ნაძირალაა, ერთ-ერთ ჩხუბში თავის თავი ამოიცნო, მაგრამ თქვა, რომ სხვას არავის იცნობს!!!! დემეტრე კასრაძევ, აქ მე ვარ, გიგა ავალიანის დედა!ეგ ,,მასკვა სვიაზები” შენთან გასდით ჩიქოვანებს, ჩემთან არა!!!! მასე, ანი ნასყიდაშვილმაც კი მიწერა მეგობარს, ,,პირი ღია დამრჩა, რომ გავიგე გაბაშვილის ჩხუბი და დაჭერა”-ო!!! თქვენ დედათქვენებს კი არ ელაპარაკებით, პროკურორის კითხვებს სცემთ პასუხს და მოსამართლე გისმენთ!!! (,მასკვა სვიაზებზე” ფარული მოსმენების დროს საუბრობს გიორგი ჩიქოვანი, დემეტრეს ნაძირალა ძმა.)
სასამართლოზე მივიდა ჩემი შვილი ნიკა, ჩემი ძმა ირაკლი და მათი რიგი რომ მოვიდა, მკვლელების ადვოკატებმა უდავოდ ცნეს ორივეს ჩვენება. რისთვის მიაყვანინეს პროკურორს, მკვლელების და მათი ოჯახის წევრების გულისამრევი სახეები რომ დაენახა ნიკას?????……
როცა ის პატარა გარყვნილი, ნია იმნაძე, დაიბარეს სასამართლოზე, ადვოკატმა გიორგი ლეკიშვილმა, თავი გაიგიჟა, დასტრესილია და მოგიკვდებათ პროცესზეო. მაგრამ აქ პროკურორი ქეთი სონიძე იყო და არა ლუკა გამყრელიძე, ან მიხეილ კუპრაშვილი და არ გამოუვიდა თაღლითობა ლეკიშვილს. ამიტომ, სხვა ხერხს მიმართეს, გაბაშვილის და რიკაძის ადვოკატებმა პროკურორს დაურეკეს და უდავოდ ცნეს შეყვარებული პრინცესების ჩვენებები და აღარ მიიყვანეს პროცესზე არც ნია იმნაძე და არც ანასტასია ბერუაშვილი
!წარმოიდგინეთ ხალხნო, თურმე გიგა ავალიანმა ,,ბავშვი” ისე შეავიწროვა, რომ სასოწარკვეთილი ბავშვი სამყაროს კითხვებს უსვამდა და პასუხს არავინ აძლევდა, მერე კი დარდობდა, რომ ამ უპასუხო კითხვების გამო, ახალგაზრდა ადამიანი მოკლეს. და ამ ,,ბავშვს” სასამართლოსთვის სათქმელი არაფერი აქვს!!!!!
დაიკითხა ნია იმნაძის დამრიგებელიც, რომელმაც აღნიშნა, რომ ის ბოდვა წერილი, რაც დედამ გამოაქვეყნა, მისი აზრით ნიას დაწერილი არ არის, რადგან ნიას მსგავსი შფოთვები არ ჰქონდა!
უდავოდ გახადეს სკოლა ,,ინტელექტის” დირექტორის ჩვენებაც.
კი იცით, როგორი ნაძირლები არიან, მაგრამ მაინც უნდა გითხრათ. ერთმა ადამიანმა მომწერა, გაბაშვილის მამა სპორტ დარბაზში ვარჯიშობსო. ამ დროს, მე ის მიხარია, დასუფთავების გადასახადში გიგა ჯერ რომ არ წაუშლიათ.
რაც შეეხება დანარჩენი დამნაშავეების დაჭერას, განაჩენის დადგომამდე არც განვიხილავ, რადგან გიჟური სამუშაო აქვს პროკურატურას და პოლიციას.” – წერს სოციალურ ქსელში მოკლული მასწავლებლის, გიგა ავალიანის დედა, ეკა კუპატაძე.
კომენტარები