გიორგი გახარია: მმართველი პარტიის „ბოსების“ გამბედაობაში ყოველთვის ეჭვი მეპარებოდა

„ჩემთვის ეს არის შიშის გამოხატულება“, – ასე აფასებს „ქართული ოცნების“ მიერ 19 აპრილის შეთანხმების ანულირებას „საქართველოსთვის“ ლიდერი, გიორგი გახარია.

გახარია აღნიშნავს იმას, რომ დღევანდელი მმართველი პარტიის „ბოსების“ გამბედაობაში ყოველთვის ეჭვი ეპარებოდა.

„ჩემთვის ეს არის შიშის გამოხატულება. რადგან აშკარა ხდება უკვე რომ მმართველ ძალას უჭირს ქვეყანაში მიმდინარე გამოწვევებზე პასუხის გაცემა და ეს აისახება ჩვენი მოქალაქეების განწყობებში. ფაქტობრივად, სახელმწიფო ინტერესები გადატანილია სადღაც მეორე, მესამე მეოთხე ფლანგზე, წინ არია წამოწეული პარტიული ინტერესები და ყველაფერი კეთდება იმისთვის, რომ ძალაუფლება იყოს შენარჩუნებული. დღევანდელი მმართველი პარტიის ხელმძღვანელების, „ბოსების“ გამბედაობაში მე ყოველთვის ეჭვი მეპარებოდა“, – განაცხადა გიორგი გახარიამ.