ამ ორ პოლიტიკურ ძალას აქვს კონკრეტული პოლიტიკური ინსტრუმენტი ივანიშვილის რეჟიმზე დამატებითი ზეწოლისა, თუმცა, როგორც ჩანს, ისინი ამას არ განიხილავენ, – ასე ეხმაურება ევროპული საქართველოს თავმჯდომარე გიგა ბოკერია გიორგი ვაშაძისა და ლელოს ინიციატივას.
მისივე თქმით, გიორგი ვაშაძისა და ლელოს ინიციატივა ამ მომენტში შესაძლოა, ზიანის მომტანი აღმოჩნდეს.
„სამწუხაროდ, გიორგი ვაშაძის პარტიისა და ლელოს ინიციატივა ამ მომენტსა და კონტექსტში შესაძლოა, ზიანის მომტანი აღმოჩნდეს. ამ პოლიტიკურ ძალას გააჩნია კონკრეტული პოლიტიკური ინსტრუმენტი ივანიშვილის რეჟიმზე დამატებითი ზეწოლისა, პარლამენტის დატოვების სახით, მას შემდეგ, რაც ამ რეჟიმმა სულ ცოტახნის წინ მიღებული წინა შეთანხმება დაარღვია, მაგრამ ამის გამოყენებას არ აპირებენ და როგორც ჩანს, პერსპექტივაშიც არ განიხილავენ. ასეთ ვითარებაში, რეჟიმისთვის, რომელმაც თითქმის ყველა წითელი ხაზი გადაკვეთა, მსგავსი სახის მოწოდება მხოლოდ სისუსტედ იქნება აღქმული“, – განაცხადა გიგა ბოკერიამ.
კომენტარები