საქართველოს პრემიერ-მინისტრი ირაკლი ღარიბაშვილი თურქეთის რესპუბლიკის პრეზიდენტს რეჯეფ თაიფ ერდოღანს არჩევნებში გამარჯვებას „ტვიტერზე“ ულოცავს:
„ვულოცავ თურქეთის რესპუბლიკის პრეზიდენტსა და საქართველოს დიდ მეგობარს რეჯეფ თაიფ ერდოღანს არჩევნებში მიღწეულ დამაჯერებელ გამარჯვებას და ქვეყნის ლიდერად ხელახალ არჩევას! თურქმა ხალხმა საკუთარი აზრი მკაფიოდ დააფიქსირა და ჩვენც ვუერთდებით მათ ზეიმს. მზად ვართ კიდევ უფრო გავაძლიეროთ თურქეთის რესპუბლიკასა და საქართველოს შორის მეგობრობული კავშირები და სტრატეგიული პარტნიორობა”.
თურქული სახელმწიფო სააგენტო ANADOLU-ს არაოფიციალური მონაცემებით, თურქეთის პრეზიდენტმა რეჯეფ თაიფ ერდოღანმა საპრეზიდენტო არჩევნებში ხელახლა გაიმარჯვა.
სააგენტოს ცნობით, საარჩევნო ყუთების 97% უკვე გახსნილია და ერდოღანმა მეორე ტურში ხმების 52,1% მიიღო, ქემალ ქილიჩდაროღლუმ კი 47,9% მოიპოვა.
ოფიციალურ უმაღლეს საარჩევნო საბჭოს შედეგები ჯერ არ დაუდასტურებია.
კომენტარები