“ღარიბაშვილი ბიძინას ფულით იმ სპეცრაზმს აფინანსებდა, იმ დღეს თავი რომ “გამოიჩინა”, დანარჩენ პოლიტიკურ “შპანაზე” აღარც ვსაუბრობ” – გია ხუხაშვილი

„7 ნოემბრის შემდეგ: კახი კალაძე სააკაშვილის საარჩევნო შტაბში იყო. ღარიბაშვილი ბიძინას ფულით იმ სპეცრაზმს აფინანსებდა, იმ დღეს თავი რომ “გამოიჩინა”. ქართული ოცნების დანარჩენ პოლიტიკურ “შპანაზე” აღარც ვსაუბრობ. ზოგი მიშას ემსახურებოდა და ზოგი მისსავე ბუჩქებში იჯდა. მე სახელმწიფო გადატრიალების საქმის ფიგურანტი გავხდი. დღეს ისინი “გლოვობენ” იმ დღეს და მეუბნებიან, რომ “მახსოვდეს 7 ნოემბერი”.ასეთ საქართველოში ვცხოვრობთ“, – ამის შესახებ ექსპერტმა გია ხუხაშვილმა სოციალურ ქსელში დაწერა.

ინფორმაციისთვის, მიხეილ სააკაშვილის ხელისუფლების შეცვლის მოთხოვნით ოპოზიციის საპროტესტო აქციები 2007 წლის 3 ნოემბერს დაიწყო და პარლამენტის წინ კარვები გაშალა. პარალელურად, ახელმწიფო დაწესებულებებთან “სირცხვილის კორიდორები” ეწყობოდა. აქცია პოლიციის მიერ მისი მონაწილეთა დაშლით, ცრემლსადენი აირის, ხელკეტების, რეზინის ტყვიების, აკუსტიკური თოფებისა და წყლის ჭავლის გამოყენებით, ტელეკომპანია “იმედში” სპეცრაზმის შეჭრითა და ქვეყანაში საგანგებო მდგომარეობის გამოცხადებით დასრულდა.

პოლიტიკური კრიზისის საპასუხოდ მაშინდელმა პრეზიდენტმა მიხეილ სააკაშვილმა 15 დღით საგანგებო მდგომარეობა გამოაცხადა და ვადამდელი საპრეზიდენტო არჩევნები დანიშნა.