რობერტ კოხის ინსტიტუტის მონაცემებით, გერმანიაში, ზედიზედ მეოთხე დღეა კორონავირუსის ახალი შემთხვევების რეკორდულად მაღალი დღიური მაჩვენებელი ფიქსირდება.
გასული დღე-ღამის განმავლობაში, გერმანიაში, კორონავირუსის 50 196 ახალი შემთხვევა დადასტურდა, ხოლო 235 ადამიანი ვირუსს ემსხვერპლა.
პანდემიის დაწყებიდან დღემდე, გერმანიაში კორონავირუსის 4.89 მილიონი შემთხვევა დადასტურდა, ხოლო 97 198 ადამიანი გარდაიცვალა.
რობერტ კოხის ინსტიტუტის მონაცემების თანახმად, ავადობის შვიდდღიანი მაჩვენებელი (გასული კვირის განმავლობაში 100 000 მოსახლეზე ინფიცირებულთა რაოდენობა) 249-მდე გაიზარდა.
5 ნოემბერს, გერმანიის ჯანდაცვის მინისტრმა, იენს შპანმა განაცხადა, რომ კორონავირუსის პანდემიის თვალსაზრისით, გერმანიაში ძალიან რთულ პერიოდი იწყება.
აღსანიშნავია, რომ გერმანიაში მოსახლეობის 66% (დაახლოებით 55.5 მილიონი ადამიანი) სრულად ვაქცინირებულია.
კომენტარები