გერმანიაში ორი პირი რუსეთის ჯაშუშობის ბრალდებით დააკავეს. მათგან ერთ-ერთს ბრალი ედება უკრაინისთვის განკუთვნილი დახმარების საბოტაჟისთვის სხვადასხვა ობიექტებზე, მათ შორის, აშშ-ს სამხედრო დაწესებულებებზე თავდასხმის მომზადება.
დაკავებულები როგორც გერმანიის, ასევე რუსეთის მოქალაქეები არიან. ისინი ბავარიის ქალაქ ბაიროითში დააკავეს.
პროკურატურის ინფორმაციით, დაკავებულთაგან ერთ-ერთს პირდაპირი კავშირი ჰქონდა რუსეთის დაზვერვასთან და ის ინფორმაციას აგროვებდა პოტენციურ თავდასხმის ობიექტებზე გერმანიაში.
მომხდართან დაკავშირებით გერმანიის საგარეო საქმეთა სამინისტროში რუსეთის ელჩი დაიბარეს.
კრემლის პრესსპიკერმა, დმიტრი პესკოვმა კომენტარი არ გააკეთა და თქა, რომ მას ამ საკითხზე არანაირი ინფორმაცია არ აქვს.
კომენტარები