აქტივისტების ინფორმაციით, პოლიციამ იმედა კლდიაშვილი დააკავა. სამოქალაქო აქტივისტს სავარაუდოდ გზის გადაკეტვას ედავებიან.
“საქართველოს მომავლის აკადემიის” წარმომადგენლის, ალექსანდრე ზიბზიბაძის ინფორმაციით, დაახლოებით ერთი საათის წინ [11:06] კლდიაშვილმა მისწერა, რომ აკავებდნენ. მას შემდეგ, კლდიაშვილს ვერ უკავშირდებიან.
“საქართველოს მომავლის აკადემიის” იურისტები ცდილობენ მისი ადგილსამყოფელის დადგენას.
შინაგან საქმეთა სამინისტრომ პროტესტის შემზღუდავი კანონის აღსრულება 19 ოქტომბერს დაიწყო. შესაბამისად მოქალაქეებს გზის გადაკეტვისა და სახის დაფარვის საბაბით აკავებენ.
დაკავებულების ნაწილს რამდენიმედღიანი პატიმრობა შეუფარდეს, მათ შორის, მედიის წარმომადგენლებიც არიან.
კომენტარები