“გამოვედი ეთერში, რომ გითხრათ არც თუ ისე კარგი ინფორმაცია” – ლიზა იასკო საქართველოს ხელისუფლებას მიმართავს (ვიდეო)

რადას დეპუტატი, საქართველოს მესამე პრეზიდენტის მეგობარი ლიზა იასკო სოციალურ ქსელში ვიდეოს აქვეყნებს, სადაც აცხადებს, რომ შესაძლოა რამდენიმე საათი დარჩა სააკაშვილის კომურ მდგომარეობამდე. ამ ინფორმაციას რადას დეპუტატი ექიმებზე, კერძოდ, ნიკა ყიფშიძეზე დაყრდნობით ავრცელებს.”მე ახლა გამოვდივარ ეთერში, რომ გითხრათ არც თუ ისე კარგი ინფორმაცია. ექიმებმა გამოიტანეს ინფორმაცია, რომ შესაძლოა რამდენიმე საათში მიხეილი კომურ მდგომარეობამდე მივიდეს. არ უნდა შეეშინდეს საქართველოს ხელისუფლებას და რაც შეიძლება სწრაფად უნდა მოხდეს სააკაშვილის შესაბამის კლინიკაში გადაყვანა. თუ ეს არ მოხდება, საქართველოს ხელისუფლების სინდისზე იყოს…” – ამბობს ლიზა იასკო ვიდეომიმართვაში.

შეგახსენებთ, საქართველოს მესამე პრეზიდენტი, მიმდინარე წლის 1 ოქტომბრიდან საქართველოში, კერძოდ რუსთავის ციხეში იმყოფება და შიმშილობს.