გაეროს ლტოლვილთა სააგენტოს განცხადებით, უკრაინაში მდგომარეობის გაუარესებასთან ერთად მნიშვნელოვანია მეზობელმა ქვეყნებმა უკრაინის მოქალაქეებისთვის საზღვრები გახსნან.
“უკვე გვაქვს ინფორმაცია დაშავებულთა შესახებ. ხალხი უსაფთხოების მიზნით სახლებს ტოვებს”,-აცხადებს ფილიპო გრანდი, გაეროს კომისიონერი.
რამდენიმე ევროპული ქვეყანა, რომლებსაც უკრაინასთან საერთო საზღვარი აქვს, უკვე მოემზადა ლტოლვილების მისაღებად. მათ შორის არის პოლონეთი, რომელმაც უკრაინის მოქალაქეების მისაღებად საზღვართან მიმღები პუნქტებიც კი განათავსა. მეტიც, ქვეყნის ჯანდაცვის მინისტრის განცხადებით, საავადმყოფოებში მზადყოფნაა დაჭრილი უკრაინელების სამკურნალოდ. უნგრეთმა და სლოვაკეთმაც გამოხატეს მზაობა ლტოლვილების მისაღებად.
კომენტარები